கன்னியாஸ்திரியை கற்பழித்த பாதிரியாரை கைது செய்ய கூறி நான்காம் நாளாக போராட்டம் : பாதிரியாருக்கு வரிந்து கட்டும் தேவாலயங்களும், செவி சாய்க்காத பிணராயி ஆளும் கேரள அரசும்

பாதிரியார் மீது நடவடிக்கை எடுப்பதற்கு அனைத்து ஆதாரங்களையும் காவல்துறையினர் கையில் வைத்திருக்கும் போதிலும் அவரை கைது செய்ய கேரள காவல்துறையினர் தயங்கி வருகின்றனர். அரசியல்வாதிகளிடம் இருந்தும் காவல்துறை உயர் அதிகாரிகளிடம் இருந்தும் வரும் அழுத்தம் தான் இதற்கு காரணம் என்று செய்தி குறிப்புகள் தெரிவிக்கின்றன.

அதன் தொடர்ச்சியாக பஞ்சாபில் உள்ள ஜலந்தர் மறைமாவட்டத்தின் பிஷப் ஃபிராங்கோ முல்லகால் மீது கடும் நடவடிக்கை எடுக்க வேண்டும் என்று கூறி கன்னியாஸ்திரிகள், கேரள மாநிலம் கொச்சியில் போராட்டம் ஒன்றை நடத்தி வருகின்றனர். அந்த போராட்டம் இன்று நான்காவது நாளை எட்டியுள்ளது. ஆனால், கற்பழிப்பு குற்றம் புரிந்த பாதிரியார் எந்த ஒரு அச்சமும் இல்லாமல் உல்லாசமாக நடமாடி வருகிறார். பாதிக்கப்பட்ட கன்னியாஸ்திரிக்கு நீதி வழங்குவதை விட்டுவிட்டு, நீதிக்காக போராடும் கன்னியாஸ்திரிகளுக்கு கடும் கண்டனம் தெரிவித்துள்ளது "மிஷனரிஸ் ஆப் ஜீசஸ்" தேவாலயம். கன்னியாஸ்திரிகளின் போராட்டம் பெரும் தலைகுனிவை ஏற்படுத்தியுள்ளதாக தெரிவித்துள்ளது.

Kerala: Members of Joint Christian Council in Kochi are continuing their protest for the fourth day demanding the arrest of Bishop of Jalandhar Franco Mulakkal, accused of allegedly raping a nun. The protest is underway at High Court Junction bus station in the city. pic.twitter.com/BPEE2U78OD

— ANI (@ANI) September 11, 2018

இதற்கு ஒரு படி மேலே சென்றுவிட்டார் அன்னை ரெஜினா. அன்னை ரெஜினா மற்றும் கன்னியாஸ்திரிகள் அமலா, விர்ஜின் மற்றும் மரியா ஆகியோர் கையெழுத்திட்ட ஒரு செய்தி குறிப்பில், கற்பழித்த பாதிரியாரை அப்பாவி என்று குறிப்பிட்டுள்ளனர். தொடர்ந்து பல தேவாலயங்கள் கற்பழித்த பாதிரியாருக்கு ஆதரவாகவும் போராடும் கன்னியாஸ்திரிகளுக்கு எதிராகவும் அறிக்கை வெளியிட்டு வருகின்றனர்.