Top
undefined
Begin typing your search above and press return to search.

₹52,499.82 கோடியை மோடி அரசிடம் இருந்து கடனாக பெற்ற தமிழக தொழில் முனைவோர்கள்: முத்ரா திட்டத்தில் தமிழகம் முதலிடம்

₹52,499.82 கோடியை மோடி அரசிடம் இருந்து கடனாக பெற்ற தமிழக தொழில் முனைவோர்கள்: முத்ரா திட்டத்தில் தமிழகம் முதலிடம்

By :

  |  8 Jun 2018 1:08 AM GMT

மத்திய மோடி அரசு கடந்த மூன்று ஆண்டுகளாக முத்ரா திட்டத்தை செயல்படுத்தி வருகிறது. மாநில அரசின் ஒருங்கிணைப்புடன் சிறு தொழில் செய்யும் நபர்களுக்கு பிணையம் இல்லாமல் எளிதில் கடன் உதவி பெற்று பயனடையும் வகையில் முத்ரா திட்டத்தினை செயல்படுத்தி வருகிறது, மோடி அரசு.
இத்திட்டத்தின் கீழ் உற்பத்தி, சேவை, வியாபாரம் ஆகியவற்றில் ஈடுபட்டு வரும் சிறு வணிகர்கள் மற்றும் தொழில் நிறுவனங்களுக்கு சிசு திட்டம், கிஷோர் திட்டம், தருண் திட்டம் என மூன்று விதமாக பிணையம் ஏதுமின்றி கடன் உதவி வழங்க வழிவகை செய்யப்பட்டுள்ளது.

  • சிசு திட்டத்தின் கீழ் ₹50,000 வரையிலும்.

  • கிஷோர் திட்டத்தின்கீழ் ₹50,000-க்கு மேல் ₹5 லட்சம் வரையிலும்.

  • தருண் திட்டத்தின் கீழ் ரூ.5 லட்சத்துக்கு மேல் ₹10 லட்சம் வரையிலும்


ஏழை எளிய மக்களுக்கு கடன் உதவி வழங்க நடவடிக்கை மேற்கொள்ளப்பட்டுள்ளது. இத்திட்டத்தின் கீழ் பயன்பெற 18 முதல் 55 வயது வரை உள்ளவர்கள் தகுதியானவர்கள். கல்வித்தகுதி கட்டாயமில்லை. சிறு தொழில் செய்து வரும் நபர்கள் தொழிலை விரிவுப்படுத்துவதற்காகவும், புதிதாக சிறு தொழில் தொடங்க விரும்பும் நபர்களும் இத்திட்டத்தின் கீழ் கடன் பெற்று பயனடையலாம்.
இதற்கான விண்ணப்பங்கள் மாவட்ட மகளிர் திட்ட அலுவலகம் மற்றும் மாவட்ட தொழில் மையம் ஆகிய அரசு அலுவலகங்களிலும், அனைத்து வங்கிகளிலும் வழங்கப்படுகின்றன. இத்திட்டத்தின் கீழ் பயன்பெற விரும்பும் நபர்கள் பூர்த்தி செய்யப்பட்ட விண்ணப்பங்களுடன் குடும்ப அட்டை, ஆதார் அடையாள அட்டை, நிரந்தர வங்கி எண் அட்டை, பாஸ்போர்ட் புகைப்படங்கள் ஆகியவற்றை தாங்கள் வங்கிக்கணக்கு வைத்துள்ள வங்கிகளிலோ அல்லது தங்கள் அருகில் உள்ள வங்கிகளிலோ சமர்ப்பித்து கடன் பெற்று கொள்ளலாம். பயனாளிகள் சமர்ப்பிக்கும் விண்ணப்பங்களுக்கு அந்தந்த வங்கி கிளைகளில் அதற்கான ஒப்புகை ரசீதும் வழங்கப்படும்.
ஏழை, எளியோருக்கு பிணையம் ஏதுமின்றி கடன் உதவி வழங்குவதற்காக செயல்படுத்தப்பட்டு வரும் இத் திட்டத்தினை வங்கியாளர்கள் சிறப்பாக செயல்படுத்தி வருகின்றனர். இந்த நிலையில், கடந்த மூன்று ஆண்டுகளில், முத்ரா கடன் பெறுவதில், தமிழகம் முதல் இடத்தை பிடித்துள்ளது.
தமிழகத்தில் குறு, சிறு மற்றும் நடுத்தர நிறுவனங்கள் (MSME) அதிகமாக இயங்கி வருகின்றன. மாநில அரசின் படி, தமிழ்நாட்டில் 17.2 லட்சம் பதிவு செய்யப்பட்ட MSME நிறுவனங்கள் உள்ளன. பாராளுமன்றத்தில் சமர்ப்பிக்கப்பட்ட தகவல்களின்படி, ₹15,496.86 கோடி 2015-16-இல், ₹17,756.39 கோடி 2016-2017-இல் வழங்கப்பட்டது. தமிழ்நாட்டில், 2017-18-இல் ₹19,246.6 கோடி வழங்கப்பட்டுள்ளது. மார்ச் 16, 2018-ல், பிரதம மந்திரியின் முத்ரா திட்டத்தின் கீழ் தமிழ்நாட்டில் 48.61 லட்சம் கணக்குகள் இருந்தன. ஒட்டுமொத்தமாக முத்ரா திட்டத்தின் கீழ் ₹52,499.82 கோடியை கடனாக பெற்றுள்ளனர் தமிழக தொழில் முனைவோர்கள். தமிழகத்திற்கு மோடி அரசு அதிகமான தொகையை முத்ரா திட்டத்தின் கீழ் கடனாக வழங்க ஒதுக்கியுள்ளது குறிப்பிடத்தக்கது.
Next Story