Top
undefined
Begin typing your search above and press return to search.

மதம் மாறிய கிறிஸ்துவர்களால் நிறுத்தப்பட்ட தலித் மக்களின் காளியம்மன் கோவில் திருவிழா : நடத்தி காட்டிய இந்து முன்னணி!

மதம் மாறிய கிறிஸ்துவர்களால் நிறுத்தப்பட்ட தலித் மக்களின் காளியம்மன் கோவில் திருவிழா : நடத்தி காட்டிய இந்து முன்னணி!

Pranesh RanganBy : Pranesh Rangan

  |  18 July 2018 2:29 AM GMT

திருச்சி மாவட்டம் வையம்பட்டி ஒன்றியம் ஆவாரம்பட்டியில், எட்டு ஆண்டுகள் முன்பு தலித் சமுதாய மக்கள் வழிபடும் காளியம்மன் கோவிலில் திருவிழா நடத்த முடிவு செய்ததாக கூறப்படுகிறது. ஆனால், அந்த பகுதியில் உள்ள மதம் மாறிய கிறிஸ்துவர்களால், அவர்களின் கொடி கம்பம், காளியம்மன் கோவிலுக்கு முன் நடப்பட்டடு தொடர்ந்து பிரச்சனை இருந்து வந்ததாக தெரிகிறது. இதனை தொடர்ந்து, இந்த ஆண்டு இந்து முன்னணியின் உதவியுடன் காளியம்மன் கோவில் திருவிழா நடைபெற்றுள்ளது.
இது தொடர்பாக, இந்து முன்னணி வெளியிட்டுள்ள குறிப்பில் கூறப்பட்டுள்ளதாவது : "எட்டு ஆண்டுகள் முன்பு தலித் சமுதாய மக்கள் வழிபடும் காளியம்மன் கோவிலில் திருவிழா நடத்த முடிவு செய்து நோன்பு சாட்டினார்கள். ஆனால் கிருஸ்துவர்கள், அவர்களின் கொடிக்கம்பத்தை இந்து கோயில் முன்புறமாக விஷமத்தனமாக வேண்டுமென்றே நட்டனர். அதிலிருந்து கடந்த 7 ஆண்டுகளாக பிரச்சினை இருந்து வருகிறது. தலித் இந்துக்கள் வழக்கு தொடர்ந்து வெற்றி பெற்றனர் .
ஆனாலும் திருவிழா நடைபெறும் போது சர்ச் வழியாக மேளதாளம் அடித்து செல்ல கிருஸ்துவர்கள் தடைசெய்தனர். இதற்கு காவல் துறையினர் ஆதரவாக இருந்தனர். இது தொடர்கதை ஆனது .
இந்த ஆண்டு இந்துமுன்னணி பொறுப்பாளர்களிடம் இந்த பிரச்சினை வந்தது.
இந்து முன்னணி கொடி கட்டி திருவிழா நடத்த முடிவு செய்யப்பட்டது. இரவு சாமிகரகம் பாலிக்க சென்றபோது கிறிஸ்தவ மத வெறியர்கள் விழாவிற்கு கட்டப்பட்டிருந்த மைக்செட், பேனர் , ஆட்டோ கண்ணாடி, வேன் கண்ணாடிகளை அடித்து நொறுக்கினர்.
கலவரத்தை அடுத்து இந்து முன்னணி களத்தில் இறங்கியது. ஆர் டி ஒ , காவல் கண்காணிப்பாளர் , டி எஸ் பி முன்னிலையில் பேச்சுவார்த்தை நடத்தப்பட்டது. அவர்கள் முழுமையாக பாதுகாப்பு தர உறுதி கூறினர்.
இரண்டு நாட்கள் திருவிழா மிகச் சிறப்பாக நடைபெற்றது. தற்போது அந்த ஊரில் இந்து முன்னணி கிளைக் கமிட்டி போடப்பட்டுள்ளது."
https://hindumunnani.org.in/news/வையம்பட்டி-கிறித்தவ-வெற/
Next Story