Top
undefined
Begin typing your search above and press return to search.

சீனாவுடனான மோதலை முறியடித்து நட்பு பாராட்டும் பிரதமர்

சீனாவுடனான மோதலை முறியடித்து நட்பு பாராட்டும் பிரதமர்

SG SuryahBy : SG Suryah

  |  23 Aug 2018 3:11 PM GMT

சீனப் பாதுகாப்பு அமைச்சர் ஜென்ரல் வீ ஃபெங்கே, புதுதில்லியில் நேற்று பிரதமர் நரேந்திர மோடியைச் சந்தித்துப் பேசினார்.
அப்போது, பாதுகாப்பு மற்றும் ராணுவ ஒத்துழைப்புகள் உள்ளிட்ட பல்வேறு துறைகளிலும் இந்தியா – சீனா இடையேயான உயர்மட்டத் தொடர்புகள் அதிகரித்து வருவதற்கு பிரதமர்  நரேந்திர மோடி, சீன அமைச்சரிடம் பாராட்டுத் தெரிவித்தார்.
இந்தியா – சீனா இடையிலான நட்புறவு உலகின் நிலைப்புத் தன்மைக்கு முக்கியக் காரணமாக திகழ்வதாக குறிப்பிட்ட பிரதமர், இரு நாட்டு எல்லைப் பகுதியில் அமைதி மற்றும் சமாதானத்தை நிலவச் செய்ய வேண்டியதன் அவசியத்தை வலியுறுத்தினார். இதன்மூலமே, இந்தியாவும், சீனாவும் தங்களிடையேயான கருத்து வேறுபாடுகளை, அவை பிரச்சினையாக மாறாமல் தடுப்பதற்கான அனுபவ முதிர்ச்சியும், பக்குவமும் பெற்றிருப்பதை உணர்த்த முடியும் என்றும் பிரதமர் தெரிவித்தார்.
முன்னதாக, சீனாவின் ஊஹான், கிங்டாவோ மற்றும் தென்னாப்பிரிக்காவின் ஜோகன்னஸ்பர்க்கில் சீன அதிபர் ஸீ ஜின்பிங்-குடன் தாம் நடத்திய சந்திப்புகளையும் பிரதமர் நரேந்திர மோடி சீன அமைச்சரிடம் நினைவுகூர்ந்தார்.
Next Story