Top
undefined
Begin typing your search above and press return to search.

பறக்கும் விமானத்தில் சட்ட விரோதமாக கூச்சலிட்டு பயணிகளுக்கு தொந்தரவு அளித்த மாணவி சோபியா லூயி கைது, 15 நாள் நீதிமன்ற காவலில் அடைப்பு

பறக்கும் விமானத்தில் சட்ட விரோதமாக கூச்சலிட்டு பயணிகளுக்கு தொந்தரவு அளித்த மாணவி சோபியா லூயி கைது, 15 நாள் நீதிமன்ற காவலில் அடைப்பு

SG SuryahBy : SG Suryah

  |  4 Sep 2018 2:48 AM GMT


சென்னையில் இருந்து தூத்துக்குடி செல்லும் விமானத்தில் கனடாவில் படித்து வரும் சோபியா லூயி என்ற மாணவி பயணம் செய்துள்ளார். நெல்லையில் நடைபெறும் நிகழ்ச்சியில் பங்கேற்பதற்காக சென்னையிலிருந்து தூத்துக்குடி சென்ற அதே விமானத்தில் தமிழக பா.ஜ.க தலைவர் தமிழிசை சௌந்தரராஜன் சென்றுள்ளார். இதனை அடுத்து, பறக்கும் விமானத்தில் பா.ஜ.க-வை விமர்சிப்பதாக கருதிக் கொண்டு, விமான பயணிகளை அச்சுறுத்தும் வகையில் கூச்சலிட்டுள்ளார் மாணவி சோபியா லூயி.
மாணவி கூச்சலிட்டதை தொடர்ந்து, அதை கண்டித்த தமிழக பா.ஜ.க தலைவர் தமிழிசை சௌந்தரராஜன் அவர்களிடம் வாக்குவாதத்தில் ஈடுபட்டுள்ளார் அந்த மாணவி. பின்னர் விமானம் தரையிறங்கியதும் சட்ட விரோதமாக பறக்கும் விமானத்தில் கோஷமிட்ட இளம்பெண்ணுக்கு எதிராக விமான நிலைய அதிகாரிகளிடம் தமிழிசை சௌந்தரராஜன் புகார் அளித்தார்.
தமிழிசை சௌந்தரராஜன் அளித்த புகாரை அடுத்து சோபியா லூயி கைது செய்யப்பட்டார். பின்னர், அவரிடம் காவல்துறையினர் விசாரணை நடத்தினர். பொது மக்களுக்கு இடையூறு அளித்தல் உள்ளிட்ட இரண்டு பிரிவுகளின் கீழ் அவர் மீது வழக்கு பதிவு செய்யப்பட்டது. விசாரணைக்கு பின்னர், சோபியா தூத்துக்குடி நீதிமன்றத்தில் ஆஜர்படுத்தப்பட்டார். அப்போது, பொது மக்களுக்கு இடையூறு அளித்த குற்றச்சாட்டில் சோபியாவுக்கு 15 நாள் நீதிமன்ற காவல் அளித்து நீதிபதி உத்தரவிட்டார். நீதிமன்ற உத்தரவை அடுத்து, சோபியா நெல்லை கொக்கிரகுளம் மகளிர் சிறைக்கு கொண்டு செல்லப்பட்டார்.

விமானத்தில் ஏறியவுடனேயே தமிழிசையை பார்த்து கோஷமிட திட்டமிடுவதாக தனது டுவிட்டர் பக்கத்தில் ட்வீட் ஒன்றை பதிவு செய்துள்ளார் சோபியா லூயி.


https://twitter.com/Red_Pastures/status/1036477068530339840

ஆக, இந்த திட்டமிட்ட சதி வேலையில் இவர் ஏன் ஈடுபட்டார், இதற்கு பின்னனியில் எந்தெந்த அமைப்புகள் உள்ளன, இவரின் பின்புலம் என்ன ஆகியவை விசாரணையின் மூலம் தெரிய வரும்.


Next Story