Top
undefined
Begin typing your search above and press return to search.

பாலியல் குற்றத்திற்கு நேரடியாக துணை போகிறாரா தி.மு.க-வின் தமிழன் பிரசன்னா? காவல் ஆய்வாளரை பகிரங்கமாக மிரட்டியதாக சர்ச்சை: #கட்டப்பஞ்சாயத்துதிமுக?

பாலியல் குற்றத்திற்கு நேரடியாக துணை போகிறாரா தி.மு.க-வின் தமிழன் பிரசன்னா? காவல் ஆய்வாளரை பகிரங்கமாக மிரட்டியதாக சர்ச்சை: #கட்டப்பஞ்சாயத்துதிமுக?

SG SuryahBy : SG Suryah

  |  25 Sep 2018 10:56 AM GMT

சென்னையில் உள்ள ஒரு பல்கலைக்கழகத்தின் பேராசிரியை ஒருவருக்கு பாலியல் தொந்தரவு கொடுத்த புகாரில் 2 செய்தியாளர்கள் கைது செய்யப்பட்டுள்ளனர். ஆனால், இந்த செய்தி, எந்த ஒரு பிரதான தமிழக ஊடகங்களிலும் செய்தியாக்க படவே இல்லை. வழக்கம் போல, அனைத்து சட்ட விரோத சம்பவங்களிலும் தி.மு.க வினருக்கு தொடர்பு இருந்து வருவது வாடிக்கையாகிவிட்டது. இந்த விவகாரத்திலும், தி.மு.க.வைச் சேர்ந்த மீம்ஸ் புகழ் தமிழன் பிரசன்னா கட்டப்பஞ்சாயத்து செய்துள்ளது தற்போது வெளிச்சத்துக்கு வந்துள்ளது. புகார் கொடுத்துள்ள எஸ்.ஆர்.எம். கல்லூரி பேராசிரியை, நிருபர் ஒருவருடன் நட்புடன் பழகி வந்துள்ளார். ஒரு கட்டத்தில் சில பிரச்சனைகளால் நட்பை துண்டித்துள்ளார்.
இதனை அடுத்து, நாளிதழ் நிருபர் ஒருவர் பேஸ்புக் மூலம் அந்த பேராசிரியைக்கு பழக்கமாகியுள்ளார். மேலும் அந்த பேராசிரியை உடன் நெருக்கமாக பழகி வந்துள்ளார். ஒருமுறை பேராசிரியை வீட்டுக்கே சென்று விட்டதால், நாளிதழ் நிருபருடன் பேசுவதை பேராசிரியை நிறுத்திக் கொண்டுள்ளார். இந்த நிலையில் நாளிதழ் நிருபருடன் பேராசிரியைக்கு நேர்ந்த சம்பவங்கள் எல்லாம் ஏற்கனவே அறிமுகமாகி பின்னர் நட்பு துண்டிக்கப்பட்ட மற்றொரு நிருபருக்கு தெரியவந்துள்ளது.
முதலில் பழகிய நிருபர், அந்த பெண்ணுடன் கடும் வாக்குவாதத்தில் ஈடுபட்டுள்ளார். மேலும், பழகியபோது எடுக்கப்பட்ட புகைப்படங்களை வெளியிடப்போவதாகவும் தொலைபேசியில் தெரிவித்துள்ளார். இதனால் பேராசிரியை, சென்னை திருமங்கலம் காவல் நிலையத்தில் இரண்டு நிருபர்களுக்கும் எதிராகவும் புகார் கொடுத்துள்ளார்.
இந்த புகார் தொடர்பாக நிருபர்களை விசாரணைக்கு அழைத்துள்ளார் திருமங்கலம் காவல் ஆய்வாளர். ஆனால் இருவரும் விசாரணைக்கு வரவில்லை.  மாறாக தி.மு.க செய்தி தொடர்பாளர் தமிழன் பிரசன்னாவிடம் இருந்து தொலைபேசி அழைப்பு காவல் ஆய்வாளருக்கு வந்திருக்கிறது. அப்போது ஆய்வாளரிடம் பேசிய தமிழன் பிரசன்னா, சார்... இது குடும்ப பிரச்சனை, நாளிதழ் நிருபருக்கு திருமணமாகி குழந்தைகள் இருக்கிறது.
மேலும் ஒரு பெண்ணின் வாழ்க்கை வேறு சம்பந்தப்பட்டுள்ளது. எதுவாக இருந்தாலும் பேசிக் கொள்ளலாம், நிருபருக்கு மேலிடத் தொடர்புகள் இருக்கிறது, வி.ஐ.பிக்கள் பலருக்கு நெருக்கமானவர்கள், எனவே வழக்குப் பதிவு செய்யாதீர்கள் என்று மிரட்டலாக பேசிய தமிழன் பிரசன்னா தான் அறிவாலய வழக்கறிஞர் பேசுகிறேன் எனவும், அதிகாரத் தோரணையில் பேசியிருக்கிறார். அது மட்டுமின்றி, திமுகவின் பெயரையும் ஆய்வாளருக்கு நெருக்கடி கொடுத்திருக்கின்றனர். இதனைத் தொடர்ந்து அந்த ஆய்வாளர் சற்று பின்வாங்கி இருந்திருக்கிறார் என்று ஆசியா நெட் செய்தி குறிப்பு தெரிவிக்கறது.
ஆனால் பேராசிரியையின் சகோதரரோ ஊடக தொடர்பு அதிகம் உள்ள நபராக இருந்ததால், விடாமல் இந்த வழக்கை தைரியமாக முன்னெடுத்து சென்றிருக்கிறார். இதனால் அவர் தனது ஊடக நண்பர்கள் மூலமாக திருமங்கலம் ஆய்வாளரிடம் பேச வேறு வழியில்லாமல் நிருபர்களுக்கு எதிராக வழக்குப் பதியப்பட்டு இருவருமே கைது செய்யப்படுகின்றனர். இதில் விவகாரம் என்னவென்றால், வார்த்தைக்கு வார்த்தைப் பெண்ணியம் பேசித் திரியும் தமிழன் பிரசன்னா பாதிக்கப்பட்ட பெண்ணுக்கு எதிராக பேசியதுதான். இதனிடையே பாதிக்கப்பட்ட பெண்ணின் சகோதரர், இந்த விவகாரத்தில் தமிழன் பிரசன்னா தலையிட்ட விவகாரத்தை தி.மு.க. தலைவர் ஸ்டாலின் வரை கொண்டு செய்ய முடிவு செய்துள்ளதாக தகவல் வெளியாகி உள்ளது.
வாய் வார்த்தையில் மட்டும் பெண் சுதந்திரத்தையும், பெண்ணியத்தையும் மேடையெங்கும் பேசும் ஈ.வே.ரா வழி வந்த தி.மு.க வினரின் பெண்களுக்கு எதிரான குற்றங்கள் நாளுக்கு நாள் அதிகரித்து வருகின்றன. கலைஞர் கருணாநிதியை அப்பா என்று அழைக்கும் தமிழன் பிரசன்னா, பெண்களுக்கு எதிரான பாலியல் குற்றத்திற்கு நேரடியாக துணை போயிருப்பது தி.மு.க-வினரின் பெண்ணடிமை தனத்தை வெளிச்சத்திற்கு கொண்டு வந்துள்ளது.
Article sourced from Asianet Tamil News
Next Story