Top
undefined
Begin typing your search above and press return to search.

அமலாக்கத்துறை சம்மனுக்கு அலட்சியம் காட்டியவர், தற்போது திடீரென அமலாக்கத்துறைக்கு ஒத்துழைப்பு தருவதாக கூறியதன் பின்னணி ?

அமலாக்கத்துறை சம்மனுக்கு அலட்சியம் காட்டியவர், தற்போது திடீரென அமலாக்கத்துறைக்கு ஒத்துழைப்பு தருவதாக கூறியதன் பின்னணி ?

Pranesh RanganBy : Pranesh Rangan

  |  14 Dec 2018 8:23 PM GMT

ராஜஸ்தான் மாநிலத்தில் கடந்த காங்கிரஸ் ஆட்சியின் போது ராபர்ட் வதேரா தனது அரசியல் செல்வாக்கைப் பயன்படுத்தி பிகனீர் பகுதியில் நிறைய அரசு நிலத்தை வாங்கினார். ஏழை கிராம மக்களின் மறுவாழ்வுக்காக உதவுவதாக கூறி அந்த நிலங்களை அவர் வாங்கி இருந்தார். ஆனால் பின்னர் அந்த அரசு நிலங்கள் கூடுதல் விலைக்கு விற்கப்பட்டன. இதில் சட்ட விரோத பணப்பரிமாற்றம் நடந்திருப்பது கண்டுபிடிக்கப்பட்டது.
ராஜஸ்தான் போலீசார் இது தொடர்பாக வழக்குபதிவு செய்து விசாரித்தனர். குற்றப்பத்திரிகைகளும் தாக்கல் செய்யப்பட்டன. இதற்கிடையே கடந்த 2015-ம் ஆண்டு அமலாக்கத்துறையும் வழக்குப்பதிவு செய்து விசாரித்து வருகிறது. இது தொடர்பான விசாரணைக்கு ஆஜராகும்படி ராபர்ட் வதேராவுக்கு அமலாக்கத்துறை சம்மன் அனுப்பியது. ஆனாலும் அவர் ஆஜராகாவில்லை. இந்நிலையில், சில தினங்களுக்கு முன்னர் தலைநகர் டெல்லியில் உள்ள ராபர்ட் வதேராவின் அலுவலகம் மற்றும் பெங்களூரில் ராபர்ட் வதேராவுக்கு நெருக்கமானவர்களின் அலுவலகங்களுக்கும் சென்ற அமலாக்க துறை அதிகாரிகள்  சோதனை நடத்தினர்.



இந்த சோதனை தொடர்பாக எவ்வித முன் அறிவிப்பும் வழங்கவில்லை என வாத்ராவின் வக்கீல் குறைகூறியுள்ளார். ஏற்கனவே, நேஷனல் ஹெரால்டு வழக்கில் வருமான வரி தொடர்பான வழக்கில் சோனியா காந்தி, ராகுல் காந்தி ஆகியோரை மீண்டும் விசாரிக்கலாம் என சுப்ரீம் கோர்ட் உத்தரவிட்டுள்ள நிலையில், வதேரா அலுவலகத்தில் அமலாக்கத் துறை சோதனை நடத்தியுள்ளது. இதுவரை விசாரணைக்கு ராபர்ட் வதேரா ஆஜராகாமல் இருந்து வருகிறார். இந்நிலையில், தற்போது திடீரென  அமலாக்கத்துறை விசாரணைக்கு தாம் ஒத்துழைப்பு தருவதாக ராபர்ட் வதேரா கூறியுள்ளார். மேலும், சட்டத்திற்கு உட்பட்டே அதிகாரிகள் எதையும் செய்ய வேண்டும் என்றும் ராபர்ட் வதேரா வலியுறுத்தியுள்ளார். முன்னதாக  அமலாக்கத்துறை சம்மன் அனுப்பியும் அவர் ஆஜராகாவில்லை. தற்போது காங்கிரஸ் ராஜஸ்தானில் ஆட்சியமைக்க உள்ள நிலையில்  திடீரென அமலாக்கத்துறை விசாரணைக்கு தாம் ஒத்துழைப்பு தருவதாக கூறியுள்ளது உற்றுநோக்கத்தக்கது.

Next Story