Kathir News
Begin typing your search above and press return to search.

அளவு கடந்த ஆபாசம் - வன்முறை! சன் டி.விக்கு 2.50 லட்சம் ரூபாய் அபராதம்!!

அளவு கடந்த ஆபாசம் - வன்முறை! சன் டி.விக்கு 2.50 லட்சம் ரூபாய் அபராதம்!!

அளவு கடந்த ஆபாசம் - வன்முறை! சன் டி.விக்கு 2.50 லட்சம் ரூபாய் அபராதம்!!

Kathir WebdeskBy : Kathir Webdesk

  |  18 Sep 2019 12:08 PM GMT



திமுக தலைவர் மு.க.ஸ்டாலினின் மருமகன்கள் நடத்தும் சன் டி.விக்கு 2.50 லட்சம் ரூபாய் அபராதம் விதிக்கப்பட்டுள்ளது. Broadcasting Content Complaints Council என்கிற பி.சி.சி.சிதான் இந்த நடவடிக்கையை மேற்கொள்டுள்ளது.


சன் டிவி.யில், திங்கள் முதல் சனிக்கிழமை வரை இரவு 7.30 மணிக்கு கல்யாண வீடு சீரியல் ஒளிபரப்பாகிறது. இந்த சீரியலை மெட்டி ஒலி புகழ் திருமுருகன்தான் இயக்கி, நடித்து, தயாரித்து வருகிறார்.


கடந்த மே மாதம் 14, 15 தேதிகளில் ஒளிபரப்பான எபிசோடுகளில் ஆபாசமும், வக்கிரமும் எல்லை மீறி போனது. குறிப்பாக 15 நிமிட காட்சிகளில் கூட்டு கற்பழிப்பு போன்ற மிக மோசமான வசனங்களும் இடம் பெற்று இருந்தன.


இந்த தொடரில் வில்லியாக வரும் ரோஜா, தனது சொந்த சகோதரியையே கற்பழிப்பதற்காக பணம் கொடுத்து 4 பேரை அனுப்புவதும், அதுதொடர்பான காட்சிகளும், வசனங்களும்தான் எல்லை மீறி அருவருப்பை ஏற்படுத்தியது. அப்போது அவள் பேசும்போது, “நீங்கள் அவளை பாலியல் பலாத்காரம் செய்யும்போது, உங்கள் இதயத்தில் இரக்கமோ பரிதாபமோ இருக்கக்கூடாது... அவள் எவ்வளவு கதறினாலும் பரிதாபமோ, தயவோ, கருணையோ இருக்கக்கூடாது” என்று கூறுகிறாள்.


கடந்த ஜூன் மாதம், 28-ஆம் தேதி ஒளிபரப்பான எபிசோடில், ரோஜாவை சீரழித்தவர்களின் பிறப்புறுப்பை எரித்துவிட ராஜா திட்டம் தீட்டுகிறான்.


ஒவ்வொரு வீட்டிலும் இளம் பெண்கள், சிறுவர்கள், சிறுமிகள், பெரியவர்கள் என அனைவரும் பார்க்கும் சன் டிவியின் பிரபலமான கல்யாண வீடு சீரியலில்தான் இந்த அசிங்கங்கள் அரங்கேறியுள்ளது.


இந்த ஆபாசம் தொடர்பாக பி.சி.சி.சியில் புகார் அளிக்கப்பட்டது. இதனைத் தொடரந்து, பி.சி.சி.சி கடந்த ஜூன் 27-ஆம் தேதி, சன் டிவிக்கு நோட்டீஸ் அனுப்பியது.


பின்னர், கடந்த மாதம் (ஆகஸ்ட்-23) அன்று பி.சி.சி.சி விசாரணை நடத்தியது. அதில் ஒழுங்குமுறை அமைப்பு விதித்த பல விதிகளை சன் டிவி, மீறியுள்ளதாக பி.சி.சி.சி உறுதிப்படுத்தியது.


இதனைத் தொடர்ந்து, சன் டிவிக்கு 2.5 லட்சம் ரூபாய் அபராதம் விதித்து பி.சி.சி.சி உத்தரவிட்டது. மேலும், கல்யாண வீடு சீரியல் ஒளிபரப்பப்படுவதற்கு 30 விநாடிகளுக்கு முன் மன்னிப்பு காட்சிகள் அடங்கிய கிளிப்புகள் ஒளிப்பரப்ப வேண்டும் என்று உத்தரவிடப்பட்டுள்ளது்


வருகிற 23 முதல் 28-ஆம் தேதி வரை 6 நாட்கள் இந்த மன்னிப்பு காட்சிகள் அடங்கிய கிளிப்புகள் ஒளிபரப்ப வேண்டும் என்று பி.சி.சி.சி உத்தரவிட்டுள்ளது.


Next Story
கதிர் தொகுப்பு
Trending News