சோப்பு டப்பா அளவுள்ள சிறிய கருவி மூலம் மீனவர்கள் வாழ்வில் புதிய ஒளி விளக்கு!! மேக் இன் இந்தியா திட்டத்தின் மூலம் கண்டு பிடித்து சாதனை!!

தரை மேல் பிறக்க வைத்தான் - எங்களைத்
தண்ணீரில் பிழைக்க வைத்தான்
கரை மேல் இருக்க வைத்தான் - பெண்களைக்
கண்ணீரில் துடிக்க வைத்தான்

என்று புரட்சி நடிகரும், முன்னாள் முதல்வருமான எம்ஜிஆர் தான் நடித்த படகோட்டி படத்தில் மீனவர்களின் வாழ்க்கையில் உள்ள துயரமான நிலையை குறிப்பிடுவார். மீனவர்கள் இயற்கையின் சீற்றத்துக்குகிடையில் தங்கள் வாழ்க்கையை நடத்திவருபவர்கள். ஏற்கனவே ஆழ்கடலுக்குள் செல்லும் மீனவர்களுக்கு எப்போது பேரலை வரும், எப்போது புயல் வரும் என்று தெரியாது. அடிக்கடி பேரழிவில் சிக்கிக் கொள்வார்கள். பல சமயங்களில் திசை தெரியாமல், எல்லைகள் தெரியாமல் பயணித்து மற்ற நாடுகளின் பிடியில் சிக்கிக் கொள்வதும், உயிர் இழப்பதும், கைதாவதும் உண்டு.

மேலும் எந்த பகுதியில் மீன் அதிகம் கிடைக்கும் என்பது துல்லியமாக தெரியாததால் மீன் கிடைக்காமல் கரைக்கு திரும்பும் அனுபவங்களும் அதிகம் உண்டு. இப்படி இயற்கையின் கொடுமைகளை எதிர்த்துப் போராடிவரும் மீனவர்களின் நலனுக்காக பிரதமர் மோடி தலைமையிலான இந்திய அரசு தனது மேக் இந்தியா திட்டத்தின்படி ஒரு சோப்பு டப்பா அளவில் சின்னஞ்சிறிய கை அடக்க கருவியை கண்டுபித்து தந்துள்ளது. ஜெமினி என்கிற பெயரிலான இந்த கருவி சென்ற புதன்கிழமை (அக்டோபர் 9) அன்று அறிமுகப்படுத்தப் பட்டது. இதன் விரிவாக்கம் Gagan Enabled Mariner’s Instrument for Navigation and Information (GEMINI) device ஆகும்.

இந்த சின்னஞ்சிறிய கருவி பேரழிவு எச்சரிக்கைகள், மீன் கிடைக்கும் சாத்தியமான மண்டலங்கள் (பி.எஃப்.ஜெட்) மற்றும் கடலலைகள் குறித்த முன் அறிவிப்புகள் மற்றும் தகவல்தொடர்புகளை தடையின்றி திறம்பட பரப்புவதை உறுதி செய்யும்.

இது "செயற்கைக்கோள் அடிப்படையிலான தகவல் தொடர்பு மற்றும் பல்நோக்கு கருவியாகும். அவசர தகவல்களை மற்ற மீன்பிடி படகுகளுக்கு அனுப்பவும் இது மிகவும் சிறந்தது. சூறாவளிகள், உயர் அலைகள் மற்றும் சுனாமிகளை சமாளிக்கவும், மீன் ஷோல்கள் இருக்கக்கூடிய இடங்களைக் குறிபிட்டுக் காட்டவும் சிறந்த குறைந்த விலை பொருளாகும் என மத்திய தொழில்நுட்பம் மற்றும் சுகாதார அமைச்சர் டாக்டர் ஹர்ஷ் வர்தன் கூறினார்.

ககன் என்றால் என்ன?

ககன் என்பது குறிப்பு சமிக்ஞைகளை வழங்குவதன் மூலம் ஜிஎன்எஸ்எஸ் பெறுநரின் துல்லியத்தை மேம்படுத்துவதற்கான ஒரு அமைப்பாகும். ககன் அமைப்பு மூன்று புவிசார் ஒத்திசைவான செயற்கைக்கோள்களைக் கொண்டுள்ளது (ஜிஎஸ்ஏடி -8, ஜிஎஸ்ஏடி -10 மற்றும் ஜிஎஸ்ஏடி -15) மற்றும் முழு இந்தியப் பெருங்கடலையும் கடிகாரத்தை போல சுற்றி வருகிறது.

ஜெமினி என்பது ஒரு சோப்-பெட்டி அளவிலான சாதனமாகும் செயற்கைக்கோள்கள் மூலம் அனுப்பப்படும் செய்திகளைப் பெற ககன் பெறுநர்களைக் கொண்டுள்ளது. இந்திய விமான நிலைய ஆணையம் த்துடன் இணைந்து இந்திய பெருங்கடல் தகவல் சேவை மையம் (இன்கோயிஸ்) இதை உருவாக்கியுள்ளது. இது ஒரு குறைந்த விலை சாதனம் ஆகும், இது மீன்பிடிக் கப்பல்களில் மிக எளிதில் பொருத்தக் கூடியதாகும். மேக் இன் இந்தியா திட்டத்தின் கீழ் பெங்களூரு எம் / எஸ் அகார்ட் என்ற தனியார் துறையால் இந்த ஜெமினி சாதனம் தயாரிக்கப்படுகிறது.

ஜெமினி புளூடூத் வழியாக மீனவர்களின் பதிவிறக்கம் செய்த மொபைல் பயன்பாட்டிற்கு தகவல்களை அனுப்பும். இந்த மொபைல் பயன்பாடு INCOIS ஆல் உருவாக்கப்பட்டது மற்றும் ஒன்பது பிராந்திய மொழிகளில் தகவல்களை வழங்குகிறது.

ஜெமினியின் தேவை

தற்போதுள்ள சில சாதனங்கள் கரையிலிருந்து 12 மைல்கல் தொலைவுக்குள் மட்டும்தான் தகவல்களை சரிவர அளிக்கும் விதத்தில் உள்ளன.

50 கடல் மைல்களுக்கு அப்பால் ஆழ் கடலுக்குள் செல்லும் மீனவர்களின் தேவைக்கு இது இந்த தூரம் மிகக் குறைவு; சில நேரங்களில் 300 கடல் மைல் மற்றும் அதற்கு அப்பால் பல நாள் மீன் பிடித்தல் நடத்தலாம்.

 அதுபோன்ற சூழல்களில் இந்த கருவி மிகவும் பயந்தரத்த்கக்கது. இது போன்ற கருவிகள் இல்லாததால் சென்ற ஓகி புயலின் பொது தாங்கள் மிகவும் துயரப்பட்டதாகவும், அப்போது உயிர் இழப்பு, கடுமையான காயங்கள் மற்றும் மீன்பிடி படகுகள் மற்றும் உபகரணங்களுக்கு சேதம் ஏற்பட்டதாக மீனவர்கள் கூறினார். ஆனால் இப்போது இந்த ஜெமினி கருவி மூலம் தங்களுக்கு தங்கள் தொழிலுக்கும், வாழ்க்கைக்கும் பாதுகாப்பு ஏற்பட்டுள்ளதாக மீனவர்கள் கூறியுள்ளனர்.

This is a Translated Article From SWARAJYA