Top
undefined
Begin typing your search above and press return to search.

படித்த முட்டாள்கள் நிரம்பிய இஸ்லாமிய பயங்கரவாத இயக்கங்கள்!! உலகை அச்சுறுத்தி அழிந்துபோன பின்லேடன், பாக்தாதி, அல்-ஜவாஹிரியின் கல்வி வரலாறு.!

படித்த முட்டாள்கள் நிரம்பிய இஸ்லாமிய பயங்கரவாத இயக்கங்கள்!! உலகை அச்சுறுத்தி அழிந்துபோன பின்லேடன், பாக்தாதி, அல்-ஜவாஹிரியின் கல்வி வரலாறு.!

Kathir WebdeskBy : Kathir Webdesk

  |  31 Oct 2019 11:03 AM GMT


மதத்தின் பெயரால் உலகை அச்சுறுத்தி, பயங்கரவாத செயல்கள் மூலம் உலகை அமைதி இழக்க செய்து, உலகத்தை இஸ்லாமிய மயமாகுவோம் என்று சவால் விட்டு இலட்சக்கணக்கான அப்பாவி இஸ்லாமிய இளைஞர்களை, மதம் என்ற பெயரில் பழமையின் பிடியில் சிக்கியுள்ள இஸ்லாமிய வெறியர்களை தங்கள் பக்கம் ஈர்த்து தங்கள் சொந்த சகோதரர்களையே கொடூரமாகக் கொன்று உலகம் முழுக்க கிளைகளை பரப்பி உலக அமைதிக்கு சவால் விட்டு நாசமாகப் போனவர்கள் 3 இஸ்லாமிய பயங்கரவாத தலைவர்கள்.


இவர்கள்தான் பாக்தாதி, ஒசாமா-பின்_லேடன் மற்றும் அல்-ஜவாஹிரி ஆகிய 3 பயங்கரவாத இயக்க தலைவர்கள்.


இவர்கள் கடைபிடித்த மூர்கத்தனமான கொள்கைகள் பேரில் உலகமே இவர்களை பழமைவாதிகள் என்றும், உலகுக்கு தீங்கு விளைவிக்க வந்த கொடூர இரத்த காட்டேரிகள் என்றே கருதினர். ஆனால் இந்த 3 பேரும் உண்மையில் உயர்கல்வி பயின்றவர்கள். பாக்தாதி இஸ்லாமிய மதம் தொடர்பான கல்வியில் பி.எச்.டி.பயின்றவர். ஒசாமா-பின்_லேடன் மிகப்பெரிய பல்கலைகழகத்தில் கட்டிடப் பொறியியல் பட்டம் பெற்றவர். பின்லேடனின் வழயில் பயங்கரவாதத்தை வழி நடத்திய அல்-ஜவாஹிரி ஒரு அறுவை சிகிச்சை நிபுணர் மற்றும் டாக்டர் என்பது நம்மில் எத்தனை பேருக்கு தெரியும்.


தங்கள் கல்வி அறிவை கல்வி அறிவு குறைவான இஸ்லாமிய சமுதாய மேம்பாட்டுக்கு பயன்படுத்தாமல் இஸ்லாமியர்களிடம் இருக்கும் அறியாமை, தீவிர மத வெறி, கல்வி அறிவு இல்லாமை இவற்றை பயன்படுத்தி மதம் என்ற பெயரிலேயே பயங்கரவாத இயக்கங்களை தொடங்கி தங்கள் சுயநல வாழ்வுக்காக ஒரு சமுதாயத்தின் பெயரையும், அல்லாவின் புகழையும் கெடுத்து குட்டிச்சுவராக்கியது இந்த படித்த மேதாவிகள்தான்.


இதிலிருந்து இவர்களின் மத தீவிரவாதம் கல்விக்கும் அப்பாற்பட்ட ஓன்று எனவும், இவர்கள் பெற்ற கல்வி மானிடர்களுக்கு எந்த நன்மைகளையும் செய்யவில்லை, மாறாக மனித இனத்துக்கும், அவர்களின் இனத்துக்குமே நாசம் விளைவித்தனர். குறிப்பாக இவர்களின் செயல்களால் மிகப்பெரிய அளவில் தங்கள் இன்னுயிரை இழந்தவர்கள் இஸ்லாமியர்கள் மட்டுமே.


இவர்களில் மிகவும் முக்கியமானவர் கடந்த 2 தினங்களுக்கு முன் சுட்டுக் கொலை செய்யப்பட்ட ஐ.எஸ்.ஐ.எஸ் தலைவர் அபு-பக்ர்-அல்-பாக்தாதி. இவர் இறந்த செய்தி அமெரிக்க அதிபர் டொனால்ட் டிரம்பால் வழங்கப்பட்ட நிலையில் இன்றைக்கு உலகமே நிம்மதி பெரு மூச்சை விட்டு வருகிறது.


உலகம் முழுவதும் இஸ்லாம் ஆட்சியை நிறுவ வேண்டும் என்ற மதவெறி பிடித்த கொள்கையை முன்வைத்து உலகம் முழுவதும் இருந்து ஆயிரக்கணக்கான ஏழை இஸ்லாமிய இளைஞர்களை கவர்ந்து ஆங்காங்கு கிளைகளை தொடக்கி இரத்த ஆறு ஓடவைத்தவர் இவர். இவருடைய தலைக்கு அமெரிக்கா 25 மில்லியன் டாலர் (M 19M) அறிவித்திருந்த நிலையில் அமெரிக்கா மற்றும் நட்பு நாடுகளால் தொடர்ந்து தீவிர வேட்டைக்கு உள்ளானார். கடைசியில் இவரது கதையையும், இவரது 3 மகன்களின் கதையையும் முடித்து வைத்தது அமெரிக்கா.


பின்லேடன் எவ்வளவு கொடூரமானவன் என்பது அமெரிக்காவின் இரட்டை கோபுர தாக்குதல் மூலம் அறிந்து கொள்ளலாம். இந்த பயங்கரவாத தலைவர்கள் அனைவருமே படித்தவர்கள் மட்டுமல்ல. இஸ்லாத்தில் கூறப்பட்ட எளிமையான வாழ்வு நெறிகளுக்கு புறம்பான முறையில் சம்பாதித்தல், மன்னர்களைப் போல ஆடம்பர வாழ்க்கையில் மிகவும் ஊறித் திளைத்தவர்கள் என்பது குறிப்பிடத்தக்கது.


பின்லேடன் ஒரு எஞ்சினியர் மட்டுமல்ல, அப்துல்அஜிஸ் பல்கலைக்கழகத்தில் பொருளாதாரம் மற்றும் வணிக நிர்வாகத்தைப் படித்தவர். ஒசாமாவுக்குப் பிறகு அல்-கொய்தாவின் தலைவராக வந்த அய்மான் அல்-ஜவாஹிரி ஒரு பயிற்சி பெற்ற அறுவை சிகிச்சை நிபுணர். அல்கொய்தா உறுப்பினர்களில் சுமார் 35 சதவீதம் பேர் கல்லூரி படித்தவர்கள் என்றும், 45 சதவீதம் பேர் ஆட்சேர்ப்பு செய்யப்படுவதற்கு முன்பு திறமையான தொழில்களில் ஈடுபட்டுள்ளனர் என்றும் ஆய்வு ஒன்றில் மதிப்பிடப்பட்டுள்ளது.


பயங்கரவாத நாடான பாகிஸ்தானை தளமாகக் கொண்ட உலகளாவிய பயங்கரவாதக் குழுவான லஷ்கர்-இ-தயேபா இயக்கம் பொறியாளர்கள், மருத்துவர்கள் மற்றும் தொழில்நுட்ப வல்லுநர்கள் போன்ற நிபுணர்களைக் கொண்டுள்ளது, அவர்களில் பெரும்பாலோர் கல்லூரிகளின் பழைய மாணவர்கள். பயங்கரவாதக் குழுக்களை சேர்ந்தவர்களால் நடத்தப்படும் மருத்துவமனைகளில், பொறியியல் கல்லூரிகளில் தீவிரவாதிகள் பலர் பணிபுரிந்து வருகின்றனர். இந்த நிறுவனங்களின் இணை நிறுவனர் ஹபீஸ் சயீத் பஞ்சாப் பல்கலைக்கழகத்தில் இரண்டு முதுகலை பட்டம் பெற்றவர்.


இந்தியாவில் கூட, நாடாளுமன்றத்தில் புகுந்து தாக்குதலில் ஈடுபட்ட பயங்கரவாதிகளுக்கு புகலிடம் கொடுத்ததற்காக தூக்கிலிடப்பட்ட அப்சல் குரு எம்.பி.பி.எஸ் முதல் ஆண்டு முடித்தவர் மற்றும் போட்டித் தேர்வுகளுக்கும் தயாராகி வந்தவர் என்பது குறிப்பிடத்தக்கது.


இந்த ஆண்டின் தொடக்கத்தில் இலங்கையில் நடந்த ஈஸ்டர் ஞாயிறு குண்டுவெடிப்பு தொடர்புடைய பயங்கரவாதிகள் ஏழைகள் மற்றும் படிக்காதவர்கள் என்ற கட்டுக்கதையை உடைத்தது. ஏனெனில் இவர்கள் அனைவருமே படித்தவர்கள், செல்வந்தர்களின் மகன்கள்.


இலங்கையின் இளைஞர்கள் நலன் பாதுகாப்பு மந்திரி ருவன் விஜேவர்தன ஒரு செய்தியாளர் கூட்டத்தில் கூறுகையில் “குண்டுவெடிப்பாளர்களில் பெரும்பாலோர் நன்கு படித்தவர்கள் மற்றும் பொருளாதார ரீதியாக வலுவான குடும்பங்களைச் சேர்ந்தவர்கள். அவர்களில் சிலர் படிப்புக்காக வெளிநாடு சென்று வந்தவர்கள் என்றும், அவர்களில் ஒருவர் ஆஸ்திரேலியாவில் உள்ள சட்டப் பள்ளிக்குச் சென்றார் என்றும், மேலும் இருவர் மிகப்பெரிய தொழிலதிபரின் மகன்கள்” என்றும் கூறினார்.


உலகின் பல்வேறு பகுதிகளிலும் உள்ள தீவிரவாத இயக்கங்கள் தங்கள் கொள்கைகளை பின்பற்ற ஏழை மற்றும் படிக்காதவர்களை தங்கள் பக்கம் கவர்கின்றன என்ற கருத்து முன்பு இருந்து வந்தது. ஆனால் இத்தகைய இயக்கங்கள் படிக்காதவர்களை விட படித்தவர்கள் மூளையை சலவையை செய்து அவர்கள் மூலம் தங்கள் இலக்குகளை அடையவே விரும்புகின்றன என்பதை அறிந்து கொள்ளலாம்.


ஏனெனில் தொழில் நுட்பம் வாய்ந்த இந்த நவீன உலகில் தகவல் தொடர்புகளை புரிந்து கொள்ளவும், நவீன கருவிகளை இயக்கவும் படித்த முட்டாள்கள்தான் தேவை என்பதை இந்த இயக்கங்கள் உணர்ந்து செயல்பட்டாலும் இவர்கள் கடைசியில் தங்கள் வாரிசுகளுடன் அழிந்தே போய் விட்டார்கள், இனி தங்கள் உயிரை பணயம் வைத்து எத்தனை பயங்கரவாதிகள் வந்தாலும் அவர்களது ஆட்டம் கொஞ்ச காலம்தான், அவர்களும் கூண்டுடன் அழிக்கப்படுவார்கள், ஏனெனில் உலகின் பெரும்பாலான மக்கள் விரும்புவது அன்பு மற்றும் அமைதிதான். 


Translated Article From TFI POST


Next Story