Top
undefined
Begin typing your search above and press return to search.

"பொய் பரப்பும் ஊடகங்களின் முகத்திரை கிழிந்தது” ஊழல் வழக்கில் அஜித் பவார், விடுவிக்கப்படவில்லை! லஞ்ச ஒழிப்புத்துறை திட்டவட்ட அறிவிப்பு !

பொய் பரப்பும் ஊடகங்களின் முகத்திரை கிழிந்தது” ஊழல் வழக்கில் அஜித் பவார், விடுவிக்கப்படவில்லை! லஞ்ச ஒழிப்புத்துறை திட்டவட்ட அறிவிப்பு !

Kathir WebdeskBy : Kathir Webdesk

  |  26 Nov 2019 7:24 AM GMT


மகாராஷ்டிராவில் 2014-ஆம் ஆண்டுக்கு முன்பு இருந்த காங்கிரஸ் - தேசியவாத காங்கிரஸ் கூட்டணி ஆட்சியில், நீர்ப்பாசனத் துறையில் 70000 கோடி ரூபாய்க்கு ஊழல் நடந்ததாக புகார் எழுந்தது. இந்த ஊழலில் அஜித் பவாருக்கும் தொடர்பு உள்ளது என்று கூறப்பட்டது. இது தொடர்பாக விரசாரணை நடத்தவேண்டும் என்று 2012-ஆம் ஆண்டு கோர்டில் பொதுநல வழக்குகள் தொடரப்பட்டன.


2014-ஆம் ஆண்டு, பாஜக ஆட்சிக்கு வந்த பிறகு இந்த ஊழல் தொடர்பாக விசாரணைக்கு உத்தரவிப்பட்டது. இந்த விசாரணையின் ஒரு பகுதியாக போதிய ஆதாரம் இல்லாத காரணத்தினால் 9 வழக்குகள் தற்போது கைவிடப்பட்டுள்ளன.


இதற்கிடையே, பட்னாவிஸ் தலைமையிலான பாஜக அரசில் துணை முதல்வராக அஜித் பவார் பதவியேற்றது எதிர்கட்சிகளுக்கு வயிற்றில் புளியை கரைத்தது. அவர்கள் எந்த வகையிலாவது சேற்றை வாரி பூசவேண்டும் என்று கங்கணம் கட்டிக்கொண்டு இருந்தனர்.


இந்த நிலையில் லஞ்ச ஒழிப்புத்துத்துறை 9 வழக்கு விசாரணையை முடித்து வைத்தது. இதனை எதிர் கட்சியினர், அஜித் பவாருக்கு தொடர்புள்ள 9 வழக்குகளை ரத்து செய்துள்ளனர் என்று பொய்யை பரப்பின்னர். அவர்களுக்கு விலைபோன ஊடகங்களும், உண்மை தன்மை என்ன என்பதை கிஞ்சித்தும் ஆராயாமல் வெயிட்டு பரபரப்பை ஏற்படுத்தினர்.


ஆனால், முடித்து வைக்கப்பட்டுள்ள 9 வழக்குகளில் ஒன்றில் கூட அஜித் பவாருக்கு தொடர்பு இல்லை. இந்த வழக்குகள் அனைத்தும் 2 முதல் 5 மாதங்களுக்கு முன்பே முடிவு செய்யப்பட்டு நேற்று (25.11.2019) அறிவிக்கப்பட்டுள்ளது. அவ்வளவுதான்.


ஆனால் ஊடகங்கள், அஜித் பவார், பாஜக கூட்டணியில் அரசில் பங்கேற்று, துணை முதல்வராக பதவியேற்றதால், அவர் மீதுள்ள வழக்குகளை பாஜக அரசு கைவிட்டுள்ளது என்று கூசாமல், தங்களின் முதலாளிகளுக்கு விஸ்வாசமாக பொய்யை பரப்பின.


இந்த பொய் செய்தியை தமிழகத்தில் உள்ள அனைத்து தொலைக்காட்சிகளும் போட்டி போட்டு நேரலை செய்தன. அது மட்டுமல்ல அதற்கு ஒரு படி மேலே போய் இது தொடர்பான விவாதங்களையும் அரங்கேற்றின.


ஆனால் மகாராஷ்டிர லஞ்ச ஒழிப்புத்துறை, இதுதொடர்பான உண்மைநிலையை அறிக்கையாக வெளியிட்டது அந்த அறிக்கையில் கூறப்பட்டு இருப்பதாவது:-


மகாராஷ்டிராவில் 45 நீர்ப்பாசன திட்டங்கள் தொடர்பாக 2654 டெண்டர்கள் விடப்பட்டுள்ளன. இதுதொடர்பாக நாக்பூர் ஹைகோர்ட்டில் 2012-ஆம் ஆண்டு இரண்டு பொது நல வழக்குகள் தொடரப்பட்டுள்ளன. அந்த வழக்குகள் அடிப்படையில் முதல் தகவல் அறிக்கைகள் பதிவு செய்யப்பட்ட 24 வழக்குகளில் 5 வழக்குகளில் குற்றப்பத்திரிகை தாக்கல் செய்யப்பட்டுள்ளன.


வெளிப்படையான விசாரணைகள் நடத்தப்பட்டதில், 45 செண்டர்களில் முறைகேடுகள் இல்லாததால் அவை முடித்து வைக்கப்பட்டன. ஊழலுக்கு துணைபோன 28 அதிகாரிகள் மீது துறை ரீதியிலான நடவடிக்கை மேற்கொள்ள பரிந்துரைக்கப்பட்டுள்ளது.





கடந்த 2 முதல் 5 மாதங்களுக்கு முன்பு லஞ்ச ஒழிப்பு தடியால் முறைகேடுகள் இல்லை என்று நிரூபிக்கப்பட்ட 9 வழக்குகள் 25.11.2019 அன்று முடித்து வைக்கப்பட்டன.


மேற்கண்ட 9 வழக்குகளில், ஒரு வழக்கிலும் அஜித் பவாருக்கு தொடர்பில்லை.


முதல் தகவல் அறிக்கை வழங்கப்பட்ட மொத்தமுள்ள 24 வழக்குகளும் தற்போது விசாரணையில் உள்ளன. 9 வழக்குகள் ரத்து செய்யப்பட்டுள்ளன.


இது தவிர பல்வேறு நீர்ப்பாசன திட்டங்கள் தொடர்பான விசாரணைகள் தொடர்ந்து நடந்து வருகின்றன.


இவ்வாறு அந்த அறிக்கையில் குறிப்பிடப்பட்டுள்ளது


ஆனால் பொய்யை வைத்து, தொலைக்காட்சிகளில் விவாதங்களை நடத்திய தமிழக ஊடகங்கள், உண்மை வெளியே வந்த பிறகு விவாதத்தை இடையில் கைவிட முடியாமல் பூசி மெழுகின. இதுதான் இவர்களின் உச்சகட்ட பித்தலாட்டமாக நேற்று அரங்கேற்றப்பட்டது.




Next Story