Top
undefined
Begin typing your search above and press return to search.

பள்ளிகளில் பறிக்கப்படும் ஹிந்துக்குழந்தைகள் உரிமை!

பள்ளிகளில் பறிக்கப்படும் ஹிந்துக்குழந்தைகள் உரிமை!

Mission KaaliBy : Mission Kaali

  |  24 Jan 2020 7:00 AM GMT


பள்ளிகளில் பறிக்கப்படும் ஹிந்துக்குழந்தைகள் உரிமை!


ஹிந்துக்களே விழித்துக்கொள்ளுங்கள்


ஹிந்துக்கள் பெருவாரியாக வசிக்கும் கிராமங்களில் வீடு விடாக சென்று மதப்பிரச்சாரத்தில் கிருஸ்துவர்கள் ஈடுபடுகின்றனர். யாராவது தட்டிக்கேட்டால் ’இது மதசார்பற்ற நாடு! இங்கு எங்கள் மதத்தின் பெருமைகளை பிரச்சாரம் செய்வது எங்கள் உரிமை’ என்று தைரியமாக எதிர்த்து நிற்கின்றனர்.


அதேநேரம் கிருஸ்துவர்கள் நடத்தும் பள்ளிகளில் ஹிந்துக்குழந்தைகள் அடிப்படை உரிமையான நெற்றியில் திருநீர், குங்குமம் வைப்பதற்குகூட தடை விதிக்கப்படுகிறது! ஒரு மதசார்பற்ற நாட்டில் ஒரு ஹிந்து தனது மத பழக்கவழக்கங்களை கடைபிடிக்க உரிமை இல்லையா? என்று யாராலும் கேட்க முடியவில்லை! நாளுக்கு நாள் கிருஸ்துவ பள்ளிகளில் படித்து வரும் ஹிந்துக்குழந்தைகள் மீது மத திணிப்பு அதிகரித்துக்கொண்டே வருகிறது. இதனை மீறி ஹிந்து அடையாளத்தை வெளிப்படுத்தும் குழந்தைகள் மீது கடுமையான நடவடிக்கைகளை கிருஸ்துவ நிர்வாகங்கள் எடுத்துவருகின்றன. இதனால் பல குழந்தைகள் சிறுவயதிலேயே மூளை சலவை செய்யப்பட்டு தங்களின் மதம், கலாச்சாரத்தை மறந்து அந்நிய மதத்திற்கும், அந்நியர்களுக்கும் அடிமையாகும் அபாயம் உள்ளது!


இதற்கு உதாரணமாக சமீபத்தில் பெங்களூருவில் நடந்துள்ளது ஒரு சம்பவம்! பெங்களூரு நகரத்தில் செயல்பட்டு வரும் பள்ளி செயிண்ட் வின்செண்ட் பல்லொட்டி! இந்த பள்ளியில் எ.கே.ஜி வகுப்பில் சேர்ந்து படித்து வந்த விஷ்ணு என்ற சிறுவனை சில காலத்திற்கு முன்பு பள்ளியை விட்டே வெளியேற்றியது நிர்வாகம்.


சிறுவனின் தந்தை மஞ்சுநாத்,பள்ளியின் முதல்வர் பால் டிசோசாவை சந்தித்து காரணம் கேட்டபோது, அவர் கூறிய பதில் அதிர்ச்சிகரமாக இருந்தது. ஆம்! விஷ்ணுவின் குடும்பம் பாரம்பரிய ஹிந்து நம்பிக்கைகளை கடைபிடிக்கும் குடும்பம். இதனால் சிறுவனுக்கு சிறியதாக குடுமி வைத்து பெற்றோர்கள் பள்ளிக்கு அனுப்பியுள்ளனர். குடுமி வைக்கும் ஹிந்துக்களின் பழக்கம் வெறும் மூடநம்பிக்கை. இதை எங்கள் பள்ளி நிர்வாகம் ஏற்க முடியாது என்று சொல்லி விஷ்ணுவை பள்ளியை விட்டே வெளியேற்றியதாக கூறியிருக்கிறார் அந்த பாதிரி முதல்வர். விஷ்ணுவின் தந்தை ஹிந்துக்களின் மதநம்பிக்கையை பற்றி எவ்வளவோ எடுத்துச்சொல்லியும் அவர் கேட்கவில்லை.


பள்ளிகள் திறந்து சில மாதங்களாகிவிட்டதால் தற்போது வேறு பள்ளியிலும் விஷ்ணுவை சேர்க்க முடியவில்லை என்று வேதனைப்படுகின்றனர் பெற்றோர்கள்.


இப்போது ஒரு விஷயத்தை யோசிப்போம். ஹிந்துக்களின் சமிபிரதாயங்களை மூட நம்பிக்கை என்று கிருஸ்துவர்கள் சொல்கிறார்களே! கிருஸ்துவத்தில் மூடநம்பிக்கைகளே இல்லையா?


· இறந்துபோன ஏசு மூன்று நாள் கழித்து உயிர்த்தெழுந்தார் என்று நம்புகிறார்கள். செத்தவன் உயிர்தெழுந்து வந்ததாக நம்புவது மூடநம்பிக்கை இல்லையா?


· சர்சுகளில் குடிப்பதற்கு வைன் கொடுக்கப்படுகிறது. அந்த வைன் ஏசுவின் ரத்தமாக மாறிவிடும் என்று நினைத்து குடிக்கிறார்கள். இது மூடநம்பிக்கை இல்லையா?


· ஞான ஸ்னானம் எடுக்கும்போது, தலையில் ஊற்றப்படும் தண்ணீர் பாவத்தை போக்கும் என்கிறார்கள். இது எந்த அறிவியல் பாடத்தில் சொல்லப்பட்டுள்ளது என்று கிருஸ்துவர்கள் கூறுவார்களா?


· ஒரு ஆப்பிள் சாப்பிட்டதற்காக ஆதாம் – ஏவாளை பூமிக்கு செல்லும்படி சபிக்கப்பட்டதாகவும், அவர்களின் சந்ததிகளை விடுவிக்க ஏசு வந்ததாக சொல்லப்படுவதும் நம்பற மாதிரியா இருக்கு?


· ஒருவன் ஹிட்லராகவே இருந்து ஊரில் இல்லாத அத்தனை அயோக்கியத்தனத்தையும் செய்துவிட்டு, இறுதியில் பாவ மன்னிப்பு வாங்கிக்கொண்டால் சொர்க்கத்திற்கு செல்லலாம் என்பது பகுத்தறிவா?


· அதேநேரம் ஒருத்தன் எவ்வளவு நல்லவனா இருந்தாலும், உருவ வழிபாடு செய்தால் அவன் நரகத்தில் தான் விழுவான் என்று சொல்வது என்ன அறிவு?


· உலகம் உருவாகியே வெறும் 10,000 ஆண்டுகள்தான் ஆகிறது என்கிறது கிருஸ்துவம். ஆனால் விஞ்ஞானமோ பல லட்சக்கணக்கான ஆண்டுகளுக்கு முன்பு உலகம் தோன்றியது என்று சொல்கிறது. இதற்கு பாதிரிகள் சொல்லும் பதில் என்ன?


இப்படி நம்மிடமும் பல கேள்விகள் உள்ளன.


ஆனால் அவர்கள் தங்கள் மதத்தில் இருக்கும் குறைகளை சாமர்த்தியமாக மறைத்துவிட்டு, பிற தர்மங்களை குறை சொல்லிவருகின்றனர்.


பள்ளிக்குழந்தைகளிடம் கூட மதவெறியை அப்பட்டமாக வெளிப்படுத்துகிறார்கள்.


ஒரு படத்தில் சந்தானம் ‘இது எங்க தாத்தா வெட்டுப்புலி. இவர் காட்டுப்புலியை ஒரே வீச்சில் கொன்றவர்’ என்று பீலா விடுவார். அதற்கு விமல் கேலியாக சிரித்தபடி ‘இதெல்லாம் நம்புற மாதிரியா இருக்கு?’ என்பார். சந்தானமோ ‘நம்புனாதான் சோறுனு சொன்னாங்க. நீங்க எப்படி?’ என்றதும் வேறு வழியில்லாமல் ‘ஆமாமா உண்மைதான்’ என்று விமல் சரணாகதியடைந்துவிடுவார்.


கிருஸ்துவர்களின் கதையும், சந்தானம் காமெடி போன்றதுதான்.


அதனால் ஹிந்து பெற்றோர்களே விழித்துக்கொள்ளுங்கள். ஹிந்துவாக வாழ்வது நம் உரிமை. அந்த உரிமையை மறுக்கும் கிருஸ்துவ பள்ளிகளை புறக்கணியுங்கள். அந்நிய சதியில் எதிர்கால சந்ததியினர் விழுந்துவிடாமல் காத்திடுங்கள்…


Next Story