பிரபல நடிகருக்கு கரோனா பாதிப்பு - அதிர்ச்சியில் ரசிகர்கள்
பிரபல நடிகருக்கு கரோனா பாதிப்பு - அதிர்ச்சியில் ரசிகர்கள்

கடந்த டிசம்பர் மாதம் சீனாவில் பரவ துவங்கிய கரோனா வைரஸ் உலகம் முழுவதிலும் வேகமாக பரவி வருகிறது. இந்நிலையில் பிரபல ஹாலிவுட் நடிகரான டாம் ஹாங்க்ஸ் மற்றும் அவரது மனைவி ரீடா வில்சன் ஆகிய இருவருக்குமே கரோனோ தொற்று இருப்பது உறுதி செய்யப்பட்டுள்ளது. ஆஸ்திரேலியாவிற்க்கு படப்பிடிப்புக்கு சென்ற இடத்தில் தான் இவர்களுக்கு கரோனா பாதிப்பு ஏற்ப்பட்டுள்ளது.
இது குறித்து தனது டிவிட்டர் பக்கத்தில் டாம் ஹாங்க்ஸ் "ஹெல்லோ மக்களே, ரீடாவும் நானும் ஆஸ்திரேலியாவில் இருக்கிறோம். கொஞ்சம் சோர்வை உணர்ந்தோம். ஜலதோஷம், உடல் வலி இருந்தது. ரீடாவுக்கு குளிர் வந்து வந்து போனது. லேசான ஜுரமும். இன்றைய தேவை, செய்வதைச் சரியாகச் செய்ய வேண்டும் என்று கரோனா தொற்று இருக்கிறதா என்று பரிசோதனை செய்துகொண்டோம். எங்களுக்குத் தொற்று இருப்பது உறுதி செய்யப்பட்டுள்ளது.
பொதுச் சுகாதாரம், பாதுகாப்புக்குத் தேவைப்படும் வரை பரிசோதனை செய்யப்பட்டு, கண்காணிக்கப்பட்டு, தனிமையில் இருப்போம். இனி அந்தந்த நாளுக்குத் தேவையான விஷயங்களில் கவனம் செலுத்தும் அணுகுமுறையை கடைப்பிடிக்கவுள்ளோம். இதைத் தாண்டி இதில் எதுவும் இல்லை. தொடர்ந்து நடக்கும் விஷயங்களை உங்களுக்குத் தெரிவிக்கிறோம்" என தெரிவித்துள்ளார்.
இதனால் அவரது ரசிகர்கள் அதிரிச்சிக்குள்ளாகியிருக்கின்றனர்.