நடிகர் விசு திடீர் மரணம் - திரையுலகம் கண்ணீர்!

நடிகர் மட்டுமல்லாது எழுத்தாளர், நாடக நடிகர், தொகுப்பாளர் என பன்முகம் கொண்ட கலை நட்சத்திரம் நடிகர் விசு. 1945- ஆம் ஆண்டு பிறந்த விசு அவர்களின் இயற்கையான பெயர் M.R. விசுவநாதன். இயக்குனர் பாலசந்தரிடம் துணை இயக்குனராக பணியாற்றியதும் மட்டுமல்லாமல் சிறு சிறு துணை வேடங்களில் நடித்தார். டப்பிங் கலைஞராகவும் பணியாற்றியுள்ளார்.

இவர் நடித்து வெளி வந்த கண்மணி பூங்கா, மணல் கயிறு, சிதம்பர ரகசியம், புதிய சகாப்தம் மிக சிறந்த குடும்ப படங்கள். சிரிக்கவும், சிந்திக்கவும் வைக்கும் படங்களை அவர் தந்தார். உடல் நிலை சரியில்லாமல் இருந்து வந்த அவர் இன்று 5 மணியளவில் காலமானார். அவர் சில ஆண்டுகளுக்கு முன் பா.ஜ.க-வில் இணைந்தார் என்பது குறிப்பிடத்தக்கது. அவரது மறைவு கேட்டு திரைப் படத்துறையினர் மற்றும் பிரமுகர்கள் அஞ்சலி செலுத்த தொடங்கியுள்ளனர்.