ஜம்மு & காஷ்மீர் : தலித் - கோர்கா சமூகத்தினர் உட்பட 25,000 பேருக்கு குடியேற்ற சான்றிதழ்கள் - இஸ்லாமிய அடிப்படைவாதிகள் காட்டம்.! #JammuKashmir

தலித் மற்றும் கோர்கா சமூகத்தைச் சேர்ந்தவர்கள் உட்பட 25,000 பேருக்கு ஜம்மு-காஷ்மீரின் யூனியன் பிரதேசத்தின் குடியேற்றச் சான்றிதழ்கள் வழங்கப்படுவதில் மெஹபூபா முப்தி தலைமையிலான மக்கள் ஜனநாயகக் கட்சி (PDP), மற்றும் ஒமர் அப்துல்லா தலைமையிலான தேசிய மாநாடு (NC) ஆகியவை வருத்தமும் கோபமும் கொண்டிருப்பதாகக் கூறப்படுகிறது. ஜம்மு-காஷ்மீர் IAS அதிகாரியான நவீன் குமார் சவுத்ரி, ஜம்மு-காஷ்மீரில் குடியேற்ற சான்றிதழைப் பெற்ற முதல் உள்ளூர் அல்லாத அதிகாரி ஆனார்.

ஜம்மு-காஷ்மீர் வேளாண் உற்பத்தித் துறையின் முதன்மை செயலாளராக இருக்கும் மூத்த IAS அதிகாரி சவுத்ரிக்கு, ஜம்முவின் பஹு பகுதியில் உள்ள ஒரு தாசில்தாரால் குடியேற்றச் சான்றிதழ் வழங்கப்பட்டது. இவர் கடந்த 26 ஆண்டுகளாக ஜம்மு-காஷ்மீர் அரசாங்கத்தில் பணியாற்றி வருகிறார். குடியேற்ற சான்றிதழ் மூலம், உள்ளூர்வாசிகள் அல்லாதவர்கள் இப்போது கல்வி, வேலைவாய்ப்பு மற்றும் நிலம் வாங்குவதற்கான குடியிருப்பு சான்றிதழைப் பெற முடியும்.

"ஜம்மு-காஷ்மீர் கிராண்ட் டொமைசில் சான்றிதழ் (உற்பத்தி) விதிகள் 2020, விதி 5 இன் கீழ் பின்வரும் பிரிவின் அடிப்படையில் விண்ணப்பதாரர் தகுதியுடையவர்" என்று சவுத்ரியின் ஆதார் அட்டையின் நகலும் புகைப்படமும் சான்றிதழில் உள்ளது. ஜம்மு-காஷ்மீரில் வசித்து வந்த வால்மீகி மற்றும் கோர்கா சமூகத்தைச் சேர்ந்த சுமார் 50 அகதிகளுக்கும் குடியேற்ற சான்றிதழ் வழங்கப்பட்டது. இந்த குடும்பங்கள் 1947 பிரிவினைக்குப் பிறகு மேற்கு பாகிஸ்தானில் இருந்து, இந்தியாவுக்கு வந்து ஜம்முவில் குடியேறின.ஆனால் முந்தைய சட்டங்களின்படி முழு குடியுரிமை பெற இவர்கள் தகுதியற்றவர்கள்.

தகவல்களின் படி, வால்மீகி சமூகத்தைச் சேர்ந்தவர்கள் 1957 ஆம் ஆண்டில் பஞ்சாபிலிருந்து துப்புரவுப் பணியாளர்களாகக் கொண்டுவரப்பட்டனர். ஆனால் 2019 ஆகஸ்டில் 370 வது பிரிவை ரத்து செய்த பின்னரே, அவர்களுக்கு குடியேற்றச் சான்றிதழ் பெறவும் பின்னர் வாக்களிக்கவும் தகுதி வழங்கப்பட்டது.

அந்நிய குடியிருப்பாளர்கள் ஜம்மு&காஷ்மீரில் நிலம் மற்றும் அசையாச் சொத்துக்களை வைத்திருப்பதைத் தடைசெய்த 93 ஆண்டுகால 'மாநில குடிமகன்கள் சட்டம்' என்பதற்குப் பதிலாக இந்தப் புதிய குடியேற்றச் சட்டம் அமல்படுத்தப்பட்டுள்ளது.

இதற்கிடையில், ஜம்மு-காஷ்மீர் PDP மற்றும் NC போன்ற அரசியல் கட்சிகள், பாகிஸ்தான் நிதியுதவி அளிக்கும் ஹுரியத் மாநாட்டோடு சேர்ந்து கொண்டு வெள்ளிக்கிழமை குடியேற்ற சான்றிதழ்கள் வழங்கப்படுவதைக் கண்டித்தன. முஸ்லீம் பெரும்பான்மை பிராந்தியத்தின் மக்கள்தொகையை மாற்றுவதற்கான முதல் முக்கிய படியாக உள்ளூர்வாசிகளுக்கு குடியேற்ற சான்றிதழ்கள் வழங்கப்படுவதாக அவர்கள் குற்றம் சாட்டினர். முஸ்லீம் பெரும்பான்மையை மாற்ற முயற்சிக்கும் சதித்திட்டத்தை RSS நடத்தி வருவதாகவும் கூறினார்.

"தவறான ஆலோசனைப் படி, தன்னிச்சையாக மற்றும் நேர்மையற்ற" படி நடந்து வரும் மத்திய அரசுக்கு கடுமையான விளைவுகள் உண்டாகும் என ஒரு எச்சரிக்கையை வெளியிட்டன.

இந்தக் குற்றச்சாட்டுகளுக்கெல்லாம் காஷ்மீர் பண்டிட்களும், பொதுமக்களும் தக்க பதிலடி கொடுத்து வருகிறார்கள்.

Source: The Hindu