Kathir News
Begin typing your search above and press return to search.

உபி : காவித் துணி, திலகம் அணிந்ததால் முதியவர் அடித்துக் கொலை ; அனஸ் குரேஷி கைது.! #UP #HateCrime

உபி : காவித் துணி, திலகம் அணிந்ததால் முதியவர் அடித்துக் கொலை ; அனஸ் குரேஷி கைது.! #UP #HateCrime

Kathir WebdeskBy : Kathir Webdesk

  |  16 July 2020 2:44 AM GMT

ஜூலை 13 அன்று, உத்தரபிரதேசத்தின் மீரட் மாவட்டத்தில் அனஸ் குரேஷி என்ற சிறுபான்மை மதத்தை சேர்ந்த ஒருவர், திலகம் மற்றும் காவி துணி அணிந்ததற்காக காந்தி பிரசாத் என்ற முதியவரைக் கேலி செய்தான். எதிர்த்துக் கேள்வி கேட்ட போது, ​​அவன் முதியவரை அடித்து பலத்த காயங்களை ஏற்படுத்தினார். காயமடைந்த முதியவர் சிகிச்சை பலனின்றி உயிரிழந்தார்.

வளர்ந்து வரும் சிறுபான்மை தீவிரவாதத்தை அம்பலப்படுத்தும் மற்றொரு பயங்கரமான வழக்கு இது.

இறந்தவர், காந்தி பிரசாத், மீரட்டின் அம்துல்லாஹ்பூர் பகுதியில் உள்ள மொஹல்லா ஹண்டியாவில் வசித்து வந்தார். உள்ளூர் ஊடக அறிக்கையின்படி, அவருக்கு சுமார் 60 வயது.

பவன்பூர் காவல் நிலையத்திற்கு அவர் அளித்த வாக்குமூலத்தின்படி, ஜூலை 13 அன்று மின்சார அலுவலகத்திலிருந்து பிரசாத் தனது வீட்டிற்கு திரும்பி வந்து கொண்டிருந்த போது அனஸ் அவரைத் தடுத்தார். பிரசாத்தின் திலகம் மற்றும் காவித் துணி அவரது கழுத்தில் இருப்பதற்காக கேலி செய்தான். பிறகு அடித்தான். அவனது நடத்தை குறித்து புகார் செய்ய பிரசாத், அனஸின் வீட்டிற்குச் சென்றபோது, ​​அனஸ் அவரை மீண்டும் சந்தையில் வைத்து அடித்தார். இந்த நேரத்தில், பிரசாத் அவரது உடலிலும் அவரது தனிப்பட்ட பாகங்களிலும் காயம் அடைந்தார்.



காவல்துறையினர் முதல் தகவல் அறிக்கையை (எண் 298/2020) தாக்கல் செய்து, ஐபிசி பிரிவு 295 (ஒரு மதத்தை அவமதிப்பது), 323 (புண்படுத்தும்), 504 (வேண்டுமென்றே அவமதிப்பு) மற்றும் 506 (குற்றவியல் மிரட்டல்) ஆகியவற்றின் கீழ் அனஸ் குரேஷி மீது வழக்கு பதிவு செய்தனர். FIR, அனஸின் புனைப்பெயரை 'ஜான்லேவா' என்று குறிப்பிடுகிறது, அப்படியென்றால் 'கொடியவன்' என்று அர்த்தம்.

பிரசாத் இறந்த பிறகு, காவல்துறையினர் இந்த வழக்கில் ஐபிசி பிரிவு 302 (கொலை) ஐ சேர்த்துள்ளனர். முதற்கட்ட விசாரணையின் அடிப்படையில் FIR முடிந்த உடனேயே அனஸ் கைது செய்யப்பட்டார்.

பிரசாத் மருத்துவமனையில் இறந்துவிட்டதாக காவல்துறை கண்காணிப்பாளர் அவினாஷ் பாண்டே தெரிவித்தார்.

சிவன் கோயிலுக்கு வெளியே ஒரு சிறிய கடையை பிரசாத் நடத்தி வருவதாக அவர் கூறினார். அவர் கோவில் கமிட்டியிலும் அங்கம் வகித்ததாக உள்ளூர்வாசிகள் போலீசாரிடம் தெரிவித்துள்ளனர். உள்ளூர்வாசிகள் கூறுகையில், பிரசாத்தை அடிக்கடி அதே முறையில் அனஸ் கிண்டல் செய்வான் என்று கூறுகிறார்கள்.

Source: Swarajya

Next Story