சென்னை மெட்ரோ ரயிலில் இன்று இலவச பயணம்.. எங்கெல்லாம் பயணிக்கலாம்.!

சென்னை மெட்ரோ ரயிலில் பொதுமக்கள் இன்று இலவசமாக பயணம் செய்யலாம் என்று மெட்ரோ நிர்வாகம் தெரிவித்துள்ளது.

வண்ணாரப்பேட்டை, திருவொற்றியூர் விம்கோநகர் இடையிலான, மெட்ரோ ரயில் சேவையை பிரதமர் நரேந்திர மோடி இன்று துவக்கி வைக்கின்றார். இதனை முன்னிட்டு இன்று ஒரு நாள் பொதுமக்கள் இலவசமாக பயணம் செய்வதற்கு சென்னை மெட்ரோ ரயில் நிர்வாகம் அனுமதி அளித்துள்ளது. 

புதிய முனையத்தை துவங்கி வைப்பதற்காக பிரதமர் மோடி டெல்லியில் இருந்து சென்னை வருகிறார். அவரது வருகையை முன்னிட்டு விமான நிலையம் மற்றும் விழா நடைபெறும் இடத்தில் பலத்த போலீஸ் பாதுகாப்பு போடப்பட்டுள்ளது.

அதன்படி இன்று மதியம் 2 மணியில் இருந்து இரவு 11 மணிவரை மெட்ரோ ரயிலில் இலவசமாக பயணம் செய்வதற்கு அந்நிர்வாகம் அனுமதி அளித்துள்ளது.