வேகமெடுக்கும் அடுத்தகட்ட அதிரடி நடவடிக்கை - சுகாதார திட்டங்களால் குழந்தை மரண விகிதத்தை பாதியாக குறைத்த பா.ஜ.க அரசு.!

தேசிய சுகாதார இயக்கம் என்று அழைக்கப்படும் தேசிய ஊரக சுகாதார இயக்கம் தொடங்கப்பட்ட பின், தாய் மரண விகிதம், சிசு மரண விகிதம், ஐந்து வயதுக்கு உட்பட்ட குழந்தை மரண விகிதம் குறைந்துள்ளது. தற்போதைய குறைவு விகிதப்படி, நீடித்த வளர்ச்சி இலக்குகளை, நிர்ணயிக்கப்பட்ட 2030-க்கு முன்பாகவே இந்தியா அடைந்துவிடும்.

திருத்தியமைக்கப்பட்ட தேசிய காசநோய் கட்டுப்பாட்டுத் திட்டம் குறிப்பிடத்தக்க அளவு வலுப்பட்டுள்ளது; தீவிரமடைந்துள்ளது. காசநோயைத் துல்லியமாகக் கண்டறியும் 1,180 சிபிஎன்ஏஏடி கருவிகள் அனைத்து மாவட்டங்களிலும் நிறுவப்பட்டுள்ளன. இதன்மூலம், இத்தகைய கருவிகளின் பயன்பாடு கடந்த ஆண்டு மூன்று மடங்கு அதிகரித்துள்ளது. தீவிரமாக்கப்பட்ட முயற்சிகள் காரணமாகவே ஒரே ஆண்டில் காசநோய் கண்டறிதல் 16% அதிகரித்துள்ளது.

2018-19-ல் 52,744 ஆரோக்கிய மையங்களுக்கு ஒப்புதல் அளிக்கப்பட்டது. இலக்கு அளவான 15,000 என்பதைக் கடந்து, 17,149 ஆரோக்கிய மையங்கள் செயல்பாட்டுக்கு வந்துள்ளன. 2018-19-ல் ஆஷா ஊழியர்கள், பன்நோக்கு சுகாதார ஊழியர்கள், செவிலியர்கள், பொது சுகாதார மையங்களின் ஊழியர்கள் உட்பட 1,81,267 சுகாதார ஊழியர்களுக்கு தொற்று அல்லாத நோய்கள் குறித்த பயிற்சி அளிக்கப்பட்டுள்ளது.