பிரமிப்பூட்டும் பெரும் ஆலயங்களும், ஆச்சர்யமூட்டும் ஆன்மீக ஸ்தலங்களும்! #KathirIndic #PrambananTemple

இந்த உட்புற பகுதியில் இடம்பெற்றிருக்க கூடிய கோவில்கள் அனைத்தும் மறு சீரமைப்பு செய்யப்பட்டவை. ஆனால் சிறு கோவில்களாக இருக்கக்கூடிய 224 கோவில்களில் வெறும் 2 கோவில்கள் மட்டுமே புணரமைக்கப்பட்டுள்ளன. மீதமிருப்பவை சேதமடைந்து மோசமான நிலையில் உள்ளன. அங்கே மீந்திருப்பவை வெறும் சிதறிக்கிடக்கும் கற்கள் மட்டுமே.

புனித்தலமாக கருதப்படும் கோவில் வளாகத்தின் உட்புறத்தில் இருக்ககூடிய 8 முக்கிய கோவில்கள் கண்டி என அழைக்கப்படுகிறது. மும்மூர்த்திகளுக்கு தனித்தனியே எழுப்பப்பட்டிருக்கும் கோவில்களில் à®šà®¿à®µà®©à¯à®•à¯à®•à¯ எழுப்பப்பட்டிருக்கும் கோவில் தான் இருப்பதிலேயே மிகப்பெரிய கோவில். இது 47 மீட்டர் உயரமும் 34 மீட்டர் அகலமும் கொண்ட கோவிலாக திகழ்கிறது. இக்கோவிலின் கிழக்கு வாயிலை ஒட்டி காக்கும் கடவுள்களான மஹாக்காலனுக்கும், நந்திஸ்வரருக்கும் சிறப்பு கோவில்கள் உண்டு. அந்த வளாகத்தினுள் ராமாயண கதைகளை விளக்கும் விதத்தில் காட்சி கூடமும் உண்டு.

பிரம்மனன் கோவில் வளாகத்தின் கட்டமைப்பு இந்து கட்டிடக்கலையின் அடிப்படையிலும் மற்றும் இந்து மரபின் வாஸ்து சாஸ்திர அடிப்படையிலும் வடிவமைக்கப்பட்டுள்ளது.

பிரம்மனின் ஆதிப்பெயர் சிவக்கிரஹா எனவே வழங்கப்பட்டு வந்தது. ஆதியில் இது சிவனுக்கெனவே அர்பணிக்கப்பட்டு வந்தது. இக்கோவிலின் மொத்த வடிவமும் இந்துக்களின் புராணங்களில் சொல்லப்படும் புனித மலையான மேருவை பிரதிபலிக்கும் வகையிலேயே கட்டப்பட்டிருப்பது இதன் தனிச்சிறப்பு.