நீலகிரி மக்களுக்கு உதவிக் கரம் நீட்டிய தமிழக பாஜக இளைஞர் அணி!! அரிசி, பருப்பு, பெட்ஷீட், பிரட், பால் பொருட்கள் அனுப்பி வைத்தனர்!!

மழையால் கடுமையாக பாதிக்கப்பட்டுள்ள நீலகிரிக்கு தமிழக பாஜக இளைஞர் அணி சார்பில் ரூபாய் 5 லட்சம் மதிப்புள்ள நிவாரண பொருட்கள் நேற்று அனுப்பி வைக்கப்பட்டது.

நீலகிரி மாவட்டம் கடுமையான மழை, நிலச்சரிவால் பாதிக்கப்பட்டுள்ளது. அப்பகுதி மக்கள் கடுமையாக பாதிக்கப்பட்டுள்ளனர். அவர்களுக்கு பல்வேறு கட்சிகள் சார்பில் நிவாரண பொருட்கள் வழங்கப்பட்டு வருகிறது. இந்த நிலையில் தமிழக பாஜக இளைஞர் அணி சார்பில் நீலகிரி மாவட்டத்துக்கு நிவாரண பொருட்கள் அனுப்பி வைக்கும் நிகழ்ச்சி தி.நகரில் உள்ள பாஜக தலைமை அலுவலகத்தில் நேற்று நடந்தது.
நிகழ்சிக்கு பாஜக இளைஞர் அணி தலைவர் வினோஜ் பி.செல்வம் தலைமை தாங்கினார். நிவாரண பொருட்கள் வாகனத்தை பாஜக தலைவர் தமிழிசை சவுந்தரராஜன் கொடியசைத்து தொடங்கி வைத்தார். இந்த நிகழ்ச்சியில் பாஜக நிர்வாகிகள் கலந்து கொண்டனர். இது குறித்து இளைஞர் அணி தலைவர் வினோஜ் பி.செல்வம் கூறுகையில், “ மழையால் பாதிக்கப்பட்டுள்ள நீலகிரி மாவட்டத்திற்கு இளைஞர் அணி சார்பில் முதல் கட்டமாக ரூ.5 லட்சம் மதிப்பிலான அரிசி, பருப்பு, பெட்ஷீட், பிரட், பால் பொருட்கள், மருந்துகள் அனுப்பி வைக்கப்பட்டுள்ளது. மேலும் ஒவ்வொரு மாவட்டத்தில் இருந்தும் இளைஞர் அணி சார்பில் பாதிக்கப்பட்ட மக்களுக்கு தேவையான நிவாரண பொருட்கள் லாரிகள் மூல் அனுப்பப்பட்டு வருகின்றது”  என்றார்