எங்கே செல்லும் இந்த பாதை? பிஞ்சு நெஞ்சங்களில் நஞ்சை விதைக்கும் திருமாவளவன்! உலா வரும் வீடியோ!

திருமாவளவன், இந்து தெய்வங்களை இழிவாக விமர்சித்துப் பேசியதற்கு நடிகை காயத்ரி ரகுராம் கடும் கண்டனம் தெரிவித்து பதிவிட்டார். “திருமாவளவனை எங்குபார்த்தாலும் இந்துக்கள், செருப்பால் அடிக்க வேண்டும்” என்று கருத்து பதிவிட்டு தனது கடும் கண்டனத்தை வெளிப்படுத்தினார்.

இதனைத்தொடர்ந்து திருமாவளவனின் கட்சியினர், காயத்ரி ரகுராமை தொலைபேசியில் தொடர்புகொண்டு மிகவும் ஆபாசமாகவும், கீழ்த்தரமாகவும் பேசினார்கள். அந்த தொலைபேசி உரையாடல்களை காயத்ரி ரகுராம், தனது டுவிட்டர் பக்கத்தில் வெளியிட்டார். இது திருமாவளவனின் கட்சியினரின் கீழ்த்தரமான நடவடிக்கைகளை மக்களுக்கு தோலுரித்து காட்டியது.

இதனைத்தொடர்ந்து நடிகை காயத்ரி ரகுராமை, கண்டித்து கருத்து வெளியிட்ட திருமாவளவன், ஒட்டுமொத்த நடிகைகளையும் “அவுத்துப் போட்டுவிட்டு ஆடுபவர்கள்” என்று மிக கீழ்த்தரமான, வக்கிரமான முறையில் விமர்சனம் செய்தார். இது ஒட்டுமொத்த பெண்களையும் இழிவு படுத்துகின்ற செயல் என்பதால், பெண்கள் மத்தியில் கடும் கண்டனத்திற்கு ஆளானார் திருமாவளவன்.

இது ஒருபுறம் இருக்க, சிறுவர்கள் மூலமும் நடிகை காயத்ரி ரகுராமை மிரட்டும் கீழ்தரமான செயல்களில் திருமாவளவன் ஈடுபட்டுள்ளார். அந்த பாலர்களுக்கு “எழுச்சித் தமிழன்” என்பதைக்கூட சரியாக உச்சரிக்க தெரியவில்லை. “எய்ட்ஸ் தலைவன்” என்று கூறுகின்றனர். அவர்கள் பேசிய வீடியோ வைரலாகி வருகிறது.

அந்த பள்ளி சிறுவர்கள் கூறியதாவது:-

உனக்கு எல்லாம் அறிவு இருக்கிறதா இல்லையா? எய்ட்ஸ் (எழுச்சி) தமிழனை பற்றி பேசுகிறாயே, அவர் யார்னு உனக்கு தெரியுமா? அறிவு இல்ல? நடிகர் சங்கத்தில் சேர்ந்து இருக்கீங்க, அறிவு இல்லாத உங்களை எவன் சேர்த்தான் அங்க? அவர் எவ்வளவு பெரிய ஆளு தெரியுமா?

உனக்கு சூடு சொரணை இருக்குதா? எங்க தலைவரை பத்தி தப்பு தப்பா பேசுறீங்க. விடுதலை சிறுத்தைகள் தலைவர் அவர். அவர பத்தி தப்பாயெல்லாம் பேசாதீங்க.