டெல்டா பிளஸ் திரிபிற்கு எதிராக பாதுகாப்பு அளிக்குமா கோவாக்ஸின்?- ஆய்வு சொல்வது என்ன?
கொரானாவின் டெல்டா திரிபு, 'டெல்டா பிளஸ்' ஆக உருமாறி ஏப்ரல் 2021 இல் இந்தியாவில் முதன்முதலில் கண்டறியப்பட்டது.
By : Saffron Mom
கொரானாவின் டெல்டா திரிபு, 'டெல்டா பிளஸ்' ஆக உருமாறி ஏப்ரல் 2021 இல் இந்தியாவில் முதன்முதலில் கண்டறியப்பட்டது. இந்த திரிபின் மீது கோவாக்ஸின் தடுப்பூசியின் செயல்திறனை ஆய்வு செய்ய ஆராய்ச்சியாளர்கள் முடிவு செய்தனர். ஆன்டிபடி டைட்டர்கள் நடுநிலைப்படுத்தலில் லேசான குறைவு இருந்தபோதிலும், கோவாக்ஸின், டெல்டா, AO 1 (டெல்டா பிளஸ்) மற்றும் B .1.617.3 வகைகளுக்கு எதிராக செயல்படுகிறது என ஆய்வு முடிவுகள் தெரிவிக்கின்றன. கோவாக்ஸின் தடுப்பூசியை பாரத் பயோடெக் மற்றும் இந்திய மருத்துவ ஆராய்ச்சி கவுன்சில் (ICMR) உருவாக்கியுள்ளது.
உலக சுகாதார நிறுவனத்தால், SARS-CoV-2 இன் டெல்டா திரிபு கவலைக்குரிய திரிபு (VoC) என வகைப்படுத்தப்பட்டுள்ளது. இந்த ஆண்டு மார்ச்-மே மாதங்களில் இந்தியாவில் இரண்டாவது அலையில் நாட்டில் பதிவான 90% தொற்றுகளுக்கு இது காரணமாக இருக்கலாம் என்று மதிப்பிடப்பட்டுள்ளது. இந்த திரிபு கிட்டத்தட்ட 99 நாடுகளில் பரவியது. ஆல்பா, பீட்டா மற்றும் காமா திரிபுகளை விட அதிகம் பரவுவதாகக் கண்டறியப்பட்டுள்ளது. மேலும் தடுப்பூசி போடப்பட்ட நபர்களிடையே உலகளாவிய ரீதியில் கொரானா தொற்று ஏற்பட டெல்டா திரிபு முக்கியக் காரணமாக அடையாளம் காணப்பட்டுள்ளது.
சமீபத்தில், டெல்டா திரிபு டெல்டா AY.1, AY.2 மற்றும் AY.3 என்ற துணை வரிசைகளில் உருமாறியுள்ளது. இவற்றில், வெளிப்படையாக அதிக அளவில் பரவும் டெல்டா AY.1 (டெல்டா பிளஸ்) திரிபு இந்தியாவில் முதன்முதலில் ஏப்ரல் 2021 இல் கண்டுபிடிக்கப்பட்டது, பின்னர் 20 பிற நாடுகளிலும் கண்டுபிடிக்கப்பட்டது.
இருப்பினும், டெல்டா AY.1 இன் பரவலானது இதுவரை ஒப்பீட்டளவில் குறைவாகவே இருந்தது. INSACOG (Indian SARS-CoV-2 Genomics Consortium) இன் டெல்டா ப்ளஸின் 70 தொற்றுக்களைக் கண்டறிந்துள்ளது.
இதுவரை, டெல்டா பிளஸ் திரிபைத் தடுப்பதில் தற்போது கிடைக்கும் தடுப்பூசிகளின் செயல்திறன் பற்றிய தகவல்கள் எதுவும் கிடைக்கவில்லை. டெல்டா திரிபோடு ஒப்பிடும்போது டெல்டா பிளஸ் அதிகம் பரவுதல், கடுமையான நோய் ஆகியவற்றுடன் தொடர்புடையதா என்பதும் நிச்சயமற்றதாக உள்ளது.
ஐசிஎம்ஆர்-நேஷனல் இன்ஸ்டிடியூட் ஆப் வைராலஜி (என்ஐவி) ஆராய்ச்சியாளர்கள் ஆராய்ச்சியை மேற்கொண்டனர். கோவக்ஸினின் இரண்டு டோஸுடன் தடுப்பூசி போடப்பட்ட 42 நபர்களின் சீராவின் நடுநிலைப்படுத்தல் செயல்பாட்டை ஆய்வு செய்தனர்.
கோவாக்ஸின் தடுப்பூசி டெல்டா, AO1 மற்றும் பி .1617.3 வகைகளை நடுநிலையாக்கும் என்று எங்கள் ஆராய்ச்சி ஆய்வில் தெரியவந்துள்ளது "என்று ICMR தொற்றுநோய் பிரிவின் தலைவர் டாக்டர் சமிரான் பாண்டா கூறினார்.
முந்தைய ஆய்வில், கோவக்ஸின், கோவிட் -19 க்கு எதிராக 77.8% செயல்திறனையும், டெல்டா வகைக்கு எதிராக 65.2% பாதுகாப்பையும் நிரூபித்துள்ளது என்று பாரத் பயோடெக் தெரிவித்துள்ளது.
