'விக்ரம்' குழுவுடன் இணைந்த பிரபல கலைஞர்கள்!

சண்டை காட்சிகளில் கமல்ஹாசனின் விக்ரம் கலக்கப்போகிறது. புதிதாக பிரபல சண்டைகாட்சி இயக்குனர்கள் இப்படத்தில் இணைந்துள்ளனர்.

இயக்குனர் லோகேஷ் கனகராஜ் இயக்கத்தில் உலகநாயகன் கமல் நடிப்பில் 'விக்ரம்' படம் உருவாகி வருகிறது. மேலும் இப்படத்தில் பகத் பாசில், விஜய் சேதுபதி ஆகியோர் இணைவதாகவும் தகவல்கள் வந்த நிலையில் தற்பொழுது புதிதாக சண்டை பயிற்சி கலைஞர்கள் இணைந்துள்ளனர்.

கேஜிஎப் 1 மற்றும் 2, கைதி, சண்டக்கோழி 2, கபாலி, மெட்ராஸ் உள்ளிட்ட பல படங்களில் ஸ்டன்ட் மாஸ்டர்களாக இரட்டையர்கள் அன்பறிவ் இப்படத்தில் அதிகாரப்பூர்வமாக இணைந்துள்ளனர். கொரோனோ ஊரடங்கு முடிந்ததும் இப்படத்தின் படப்பிடிப்பு தொடங்கும் என தெரிகிறது.