விஜய் ரசிகர்கள் அதிர்ச்சி : விஜயின் மகன், மகள் பெயரில் உலாவும் போலிகள்!

சமீபகாலமாக திரைத்துறையின் பிரபலங்கள் பெயரில் சமூக வலைதளங்களில் போலியாக கணக்குகள் துவங்கப்பட்டு அதன் மூலம் போலி செய்திகள் பரப்பப்படுவது அதிகமாகியுள்ளது. அந்த வகையில் நடிகர் விஜய் மகன் மற்றும் மகள் பெயரில் போலி கணக்கு இருப்பது கண்டறியப்பட்டுள்ளது.

தமிழ் சினிமாவின் முன்னணி நடிகர் விஜய். இவருக்கு ஜேசன் விஜய் என்ற மகனும், திவ்யா சாஷா என்ற மகளும் உள்ளனர். சமூகவலைதளமான டுவிட்டரில் இவர்களின் பெயரில் போலியான முகவரி உடன் கணக்கு துவங்கி அதில் இவர்களின் படங்கள் பகிரப்பட்டு வருகின்றன. இந்த டுவிட்டர் கணக்கு விஜய் மகன், மகள்களின் உண்மையான கணக்கு என நம்பி லட்சக்கணக்கான ரசிகர்கள் அவர்களை பின் தொடந்து வருகின்றனர். ஆனால் இவை எதுவுமே விஜய் மகன், மகள்களின் உண்மையான கணக்குகள் அல்ல. இன்னும் சொல்லப்போனால் டுவிட்டர் மட்டுமல்ல, வேறு எந்த சமூக ஊடகங்களிலும் இவர்கள் இல்லை. ஆகவே ரசிகர்கள் இதுபோன்ற போலி வலைதளங்களில் இருந்து எச்சரிக்கையாக இருக்க வேண்டும் என நடிகர் விஜய்யின் தரப்பில் இருந்து அறிவுறுத்தப்பட்டுள்ளது.

மேலும் இதுதொடர்பாக போலீசில் புகார் அளிக்கப்பட்டுள்ளது.