தொடர்ச்சியாக தெலுங்கு படங்களில் ஒப்பந்தமாகும் தனுஷ்!

தொடர்ந்து அடுத்தடுத்து படங்களில் நடிக்க ஒப்பந்தமாகும் நடிகர் தனுஷ் மீண்டும் ஓர் தெலுங்கு படத்தில் நடிக்க ஒப்பந்தமாகியுள்ளார்.

தற்பொழுது இயக்குனர் கார்த்திக் நரேன் இயக்கும் தனது 43'வது படத்தில் ஐதராபாத்தில் முகாமிட்டு நடித்து வருகிறார். சேகர் கம்முலா இயக்கும் படம் மூலம் தெலுங்கில் அறிமுகமாகிறார் தனுஷ். மூன்று மொழிகளில் தயாராகும் இப்படத்தின் படப்பிடிப்பு டிசம்பர் மாதம் தொடங்குகிறது.

இதனை தொடர்ந்து மற்றுமொரு தெலுங்கு படத்திலும் தனுஷ் நடிப்பதாக தற்போது இன்னொரு புதிய தகவலும் வெளியாகியுள்ளது. தமிழ், தெலுங்கு என இரண்டு மொழிகளில் தயாராகும் அந்த படத்தை சித்தாரா எண்டர்டெயின்மென்ட் நாக வம்சி தயாரிக்கிறார். அவரும் தனுஷை ஐதராபாத்தில் சந்தித்து பேச்சுவார்த்தை நடத்தியுள்ளாராம். அந்த படத்தை தெலுங்கில் தொலி பிரேமா, மிஸ்டர் மஜ்னு, ரங்தே போன்ற படங்களை இயக்கிய வெங்கி அட்லூரி இயக்குகிறாராம். இதன் அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.