சென்னையில் துவங்கியது கார்த்தியின் 'சர்தார்' படப்பிடிப்பு!

இயக்குனர் பி.எஸ்.மித்ரன் இயக்கத்தில் கார்த்தி இரண்டு வேடங்களில் நடிக்கும் 'சர்தார்' படப்பிடிப்பு நேற்று முதல் துவங்கியுள்ளது.

இரும்புத்திரை, ஹீரோ படங்களை இயக்கியவர் பி.எஸ்.மித்ரன், இவரது இயக்கத்தில் கார்த்தி இரண்டு வேடங்களில் நடிக்கும் படம் சர்தார். இதில் கார்த்தி வயதான கெட்டப்பில் தோன்றுகிறார் என்ற தகவலால் படத்திற்கான எதிர்பார்ப்பு அதிகரித்தது.

இப்படத்தில் கார்த்திக்கு ஜோடியாக ராஷி கண்ணா நடிக்க, ஜி.வி.பிரகாஷ் இசையமைக்கிறார். சர்தார் படப்பிடிப்பு நேற்று சென்னையில் தொடங்கியுள்ளது. கார்த்தி உள்பட அனைவரும் படப்பிடிப்பில் கலந்து கொண்டுள்ளனர். விரைவில் படம் வெளியீடு பற்றிய அறிவிப்பு வெளியாகும் என படக்குழு அறிவித்துள்ளது.