ஓ.டி.டி-யில் வெளியாகும் கார்த்திக் நரேனின் அடுத்த படம்!

அர்விந்த் சாமி நடிப்பில் இயக்குனர் கார்த்திக் நரேன் இயக்கியுள்ள 'நரகாசூரன்' படத்தின் ஓ.டி.டி வெளியீடு பற்றிய அறிவிப்பு வெளியாகியுள்ளது.

'துருவங்கள் 16' படத்துக்குப் பிறகு கார்த்திக் நரேன் இயக்கத்தில் உருவான படம் 'நரகாசூரன்'. அரவிந்த் சாமி, ஸ்ரேயா சரண், சந்தீப் கிஷன், ஆத்மிகா, இந்திரஜித் ஆகியோர் நடித்துள்ள இப்படத்தை கெளதம் மேனன், கார்த்திக் நரேன் இணைந்து தயாரித்துள்ளனர்.

சில பொருளாதார சிக்கல்களால் படம் வெளிவராமல் இருந்தது, இந்நிலையில் இப்படத்தின் ஓ.டி.டி வெளியீடு உறுதியாக உள்ளது. அதன்படி இப்படம் வருகிற ஆகஸ்ட் 13ந் தேதி நேரடியாக சோனி லிவ் ஓ.டி.டி தளத்தில் வெளியாக உள்ளதாக தகவல் வெளியாகியுள்ளது.