வெளியாகும் முன்னரே லாபத்தை குவித்த அருண் விஜய்'யின் 'யானை'

இயக்குனர் ஹரி இயக்கத்தில் அருண் விஜய் நடிக்கும் யானை படத்தின் வியாபாரம் முழுவதும் முடிந்துள்ளது படக்குழுவினரை மகிழ்ச்சியில் ஆழ்த்தியுள்ளது.

முதன் முறையாக இயக்குனர் ஹரியின் இயக்கத்தில் அருண் விஜய் கதாநாயகனாக நடிக்கும் 'யானை' திரைப்படம் ஆக்சன் கதைக்களத்தில் உருவாகி வந்தது. ஜி.வி பிரகாஷ் இசையமைக்கும் இப்படத்தில் பிரியா பவானி சங்கர் கதாநாயகியாக நடித்துள்ளார். தற்போது இப்படத்தின் படப்பிடிப்பு முடிந்து பின்னணி பணிகள் விறுவிறுப்பாக நடைபெற்று வருகின்றன அடுத்த மாதம் இப்படம் வெளியாகும் என சமீபத்தில் படக்குழு தகவல் தெரிவித்துள்ளது.

இந்நிலையில் 'யானை' படத்தின் வியாபாரம் தற்போது துவங்கியுள்ள நிலையில் படத்தின் திரையரங்கு உரிமைகள் அனைத்தும் விற்று தீர்ந்துவிட்டன, இது மட்டுமின்றி படத்தின் சாட்டிலைட் தொலைக்காட்சி உரிமம் மற்றும் ஓ.டி.டி உரிமம் ஆகிய இரண்டையும் ஜி நெட்வொர்க் நிறுவனம் முழுவதுமாக கைப்பற்றியுள்ளது. யானை படத்தின் மொத்த வியாபாரமும் படம் வெளியாகும் முன்ன வெற்றிகரமாக முடிந்துள்ளது.