ஒரே நாளில் 150 கோடி வசூலித்த 'கே.ஜி.எப் 2'- வசூல் மன்னனாக ராக்கி பாய்

'கே.ஜி.எஃப் 2' முதல் நாள் வசூல் பற்றிய தகவல்கள் வெளியாகியுள்ளன.

இயக்குனர் பிரசாந்த் நீல் இயக்கத்தில் யஷ், ஸ்ரீநிதி சோப்ரா, சஞ்சய் தத், ரவீனா தாண்டன் நடித்து உலகம் முழுவதும் நேற்று வெளியாகிய 'கே.ஜி.எப் 2' படம் வசூலில் சாதனை படைத்துள்ளதாக இதுவரை வெளியான தகவல்கள் தெரிவிக்கின்றன. வெளியான நேற்று ஒரு நாள் மட்டும் 'கே.ஜி.எப் 2' வின் வசூல் 150 கோடியை குவித்திருக்கும் என தகவல்கள் தெரிவிக்கின்றன

ஹிந்தியில் மட்டும் 38.00 கோடியை வசூல் செய்த 'கே.ஜி.எப் 2', தமிழ், தெலுங்கு, கன்னடம் போன்ற மொழிகளில் 70 முதல் 80 கோடி ரூபாயை வசூலித்து இருக்கும் எனவும் வெளிநாடுகளில் 30 கோடியை வசூல் செய்திருக்கும் எனவும் உத்தேசிக்கப்பட்டுள்ளது. அவ்வாறு இருப்பின் நேற்றைய ஒரு நாள் வசூல் 'கே.ஜி.எஃப் 2' படத்திற்கு 150 கோடிகள் குவிந்துள்ளன என்பது சாத்தியமானதே. கன்னடத் திரையுலகில் ஒரு படம் ஒரே நாளில் 150 கோடி வசூல் செய்வது இதுவே முதல் முறை.