கொண்டாடும் விஜய் ரசிகர்கள் : 'தளபதி 65' அப்டேட்!
By : Mohan Raj
விஜய்யின் பிறந்தநாளை முன்னிட்டு தளபதி 65 படக்குழுவினர் புதிய அறிவிப்பை வெளியிட்டு ரசிகர்களை உற்சாகபடுத்தியுள்ளது தயாரிப்பு நிறுவனமான சன் பிக்சர்ஸ்.
இயக்குனர் நெல்சன் இயக்கத்தில் உருவாக இருக்கும் படம் 'தளபதி 65'. சன் பிக்சர்ஸ் நிறுவனம் தயாரிக்கும், இப்படத்தில் விஜய்க்கு ஜோடியாக பூஜா ஹெக்டே நடிக்கிறார். மேலும் அபர்ணா தாஸ், விடிவி கணேஷ் ஆகியோர் முக்கிய கதாபாத்திரத்தில் நடிக்க ஒப்பந்தமாகி உள்ளனர்.
கொரோனா ஊரடங்கு காரணமாக இப்படத்தின் படப்பிடிப்பு நிறுத்தி வைக்கப்பட்டுள்ளது. இதற்கிடையில் விஜய்யின் பிறந்தநாளை முன்னிட்டு ஜூன் 21 ஆம் தேதி மாலை 6 மணிக்கு இப்படத்தின் பர்ஸ்ட் லுக் போஸ்டரை வெளியிட இருப்பதாக படத்தின் தயாரிப்பு நிறுவனம் சன் பிக்சர்ஸ் அறிவிப்பு வெளியிட்டுள்ளது. இதனை விஜய் ரசிகர்கள் சமூக வலைதளத்தில் ட்ரெண்டிங் செய்து கொண்டாடி வருகின்றனர்.