'தளபதி 66' விஜய்க்கு வில்லனாகும் விவேக் ஓபராய்

'தளபதி 66' படத்திற்கு வில்லனாக விவேக் ஓபராய் நடிக்க உள்ளார் என்ற தகவல் வெளியாகியுள்ளது.

இயக்குனர் நெல்சன் இயக்கத்தில் விஜய் நடிப்பில் உருவாகியுள்ள 'பீஸ்ட்' படத்தின் படப்பிடிப்பு நிறைவடைந்து தற்பொழுது படம் வெளியீட்டுக்கு தயாராக உள்ளது. இந்த நிலையில் தில் ராஜூ தயாரிப்பில் இயக்குனர் வம்சி பைடிப்பள்ளி இயக்கத்தில் தமிழ் மற்றும் தெலுங்கு மொழிகளில் உருவாக இருக்கும் புதிய படத்தில் நடிக்கவிருக்கிறார் விஜய்.

இப்படத்தில் விஜய்க்கு ஜோடியாக ராஷ்மிகா மந்தனா நடிக்கிறார், இந்நிலையில் படத்தின் வில்லன் யார் என ரசிகர்களால் அதிகம் எதிர்பார்க்கப்பட்டு வந்த நிலையில் பாலிவுட் நடிகரான விவேக் ஓபராய் வில்லனாக நடிக்க உள்ளதாக தகவல்கள் கிடைத்துள்ளன.