10 KGF-ற்கு சமமா இந்த திரைப்படம்? வெளிவந்த சுவாரஸ்யம்!
By : Mohan Raj
"அல்லு அர்ஜுன் நடிப்பில் வெளிவர இருக்கும் 'புஷ்பா' முதல் பாகம் கிட்டத்தட்ட 10 கே.ஜி.எஃப் படத்திற்கு சமம்" என இயக்குனர் ஒருவர் தெரிவித்துள்ளார்.
இயக்குனர் சுகுமார் இயக்கத்தில் அல்லு அர்ஜுன் நடித்து வரும் படம் புஷ்பா, ஆந்திராவில் செம்மரக் கடத்தல்காரர்கள் சுட்டுக்கொல்லப்பட்டதை மையமாக வைத்து இந்தப் படம் உருவாகி வருகிறது. இந்த படத்தில் முக்கிய வேடத்தில் பஹத் பாசில் நடித்து வருகிறார். இந்த படம் இரண்டு பாகங்களாக உருவாகிறது என சமீபத்தில்தான் படத்தின் இயக்குனர் சுகுமார் அறிவித்தார்.
இந்த நிலையில் நிலையில், இந்தப் படம் குறித்து இயக்குனர் சுகுமாரின் முன்னாள் உதவி இயக்குனர்களில் ஒருவரான புச்சி பாபு சேனா என்பவர் கிளப் ஹவுஸ் என்கிற ஆப் மீட்டிங்கில் மற்ற நட்பு இயக்குனர்களுடன் பேசும்போது ஒரு முக்கியமான தகவலை பகிர்ந்துள்ளார். இந்த படத்தின் முதல் பாகத்தை தான் பார்த்து விட்டதாகவும், அது கிட்டத்தட்ட 10 கே.ஜி.எஃப்'ற்கு சமம் என்றும் தனது ஆச்சரியத்தை வெளிப்படுத்தியுள்ளார். இது அல்லு அர்ஜுன் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.
