50 சதவிகித இருக்கைகள் என இருந்தும் 100 கோடி வசூல் அள்ளிய 'டாக்டர்' !

கொரோனோ ஊரடங்கில் தவித்து வந்த சினிமா உலகை மீட்டு கொண்டுவந்த டாக்டர் திரைப்படம் 100 கோடி வசூல் செய்து சாதனை படைத்துள்ளது.

இயக்குனர் நெல்சன் திலீப்குமார் இயக்கத்தில் சிவகார்த்திகேயன் நடிப்பில் வெளியாகியுள்ள படம் 'டாக்டர்'. இப்படத்தில் அவருக்கு ஜோடியாக பிரியங்கா அருள் மோகன் நடித்துள்ளார். இப்படம் கடந்த மாதம் திரையரங்குகளில் வெளியாகி ரசிகர்களிடையே நல்ல வரவேற்பை பெற்றுள்ளது. காமெடியில் சிவகார்த்திகேயன் மற்றும் குழுவினர் கலக்கியுள்ள இப்படத்தை குடும்ப குடும்பமாக பார்த்து வருகின்றனர்.

50 சதவீத இருக்கைகளுடன் திரையரங்குகளில் ஓடிக்கொண்டிருக்கும் இப்படம் வசூல் சாதனை செய்து வருகிறது. படம் வெளியான 25 நாட்களில் ரூ.100 கோடி வசூலை எட்டி உள்ளது. இதை படக்குழுவே அதிகாரப்பூர்வமாக அறிவித்துள்ளது.