51வது இந்திய சர்வதேச திரைப்பட விழா.. தமிழில் தனுஷ் படம் தேர்வு.!

இந்திய சர்வதேச திரைப்பட விழாவிற்கு நடிகர் தனுஷ் நடித்த அசுரன் திரைப்படம் தேர்வாகியுள்ளது திரைத்துறையினரை மகிழ்ச்சியடைய செய்துள்ளது.
51வது இந்திய சர்வதேச திரைப்பட விழா கோவாவில் வருகின்ற ஜனவரி 16ம் தேதி முதல் 24ம் தேதி வரை நடைபெறுகிறது.

இந்த திரைப்பட விழாவில் தேர்வான படங்களின் பட்டியல் வெளியாகியுள்ளது. இதில் தமிழில் வெற்றிமாறன் இயக்கத்தில் தனுஷ் நடித்த அசுரன் படம் தேர்வு செய்யப்பட்டுள்ளது.

அது போன்று மலைவாழ் மக்களின் வாழ்க்கை முறையை அடிப்படையாகக் கொண்ட, இன்னும் வெளியாகாத தேன் என்ற தமிழ் படமும் தேர்வாகியுள்ளது. இந்தியாவின் மற்ற மொழிகளிலிருந்து 23 திரைப்படங்கள் தேர்ந்தெடுக்கப்பட்டு விழாவில் திரையிட்டு காட்டப்படுகிறது. இந்த தேர்வானதால் நடிகர் தனுஷ் மற்றும் இயக்குநர் வெற்றிமாறன் குழுவினர் மகிழ்ச்சியடைந்துள்ளனர் என்பது குறிப்பிடத்தக்கது.