இந்தியில் ரீமேக்காகும் அருவி படம்.!

கடந்த 2016ம் ஆண்டு திரைக்கு வந்த அருவி படம் மிகப்பெரிய ஹிட்டானது. அது மட்டுமின்றி வசூல் ரீதியாகவும் மாபெரும் வெற்றி பெற்றது. இப்படத்தை அருண் பிரபு இயக்கினார். அதிதி பாலன் உள்ளிட்ட திரைபிரபலங்கள் நடித்தனர். விருதுகளையும் பெற்றது.

இந்நிலையில், 'அருவி' படம் தற்போது இந்தியில் ரீமேக் செய்யப்படவுள்ளதாக தகவல் வெளியாகியுள்ளது. 'தங்கல்' படத்தில் நடித்த பாத்திமா சனா ஷேக் முக்கிய கதாபாத்திரத்தில் நடிக்க உள்ளார். இப்படத்திற்கு பெயர் இதுவரை வைக்கவில்லை. ஆனால் இ.நிவாஸ் இயக்குவதாக கூறப்படுகிறது.

அருவி படத்தை தயாரித்த எஸ்.ஆர்.பிரபு தனது ட்வீட்டர் பதிவில், 'அருவி திரைப்படம் இந்தியில் ரீமேக் செய்யப்படுவதைக் பார்க்க மகிழ்ச்சியாக உள்ளது. படக்குழுவினருக்கு தனது வாழ்த்துக்களை தெரிவிப்பதாக குறிப்பிட்டுள்ளார்.