சித்ரா தற்கொலை.. முக்கியமான ஆதாரம் இருப்பதால்தான் ஹேம்நாத்தை கைது செய்தோம்.. போலீசார் தகவல்.!

தொலைக்காட்சி நடிகை சித்ரா தற்கொலை செய்து கொண்ட வழக்கில் அவரது காதல் கணவர் ஹேம்நாத் மீது தற்கொலைக்கு தூண்டியதாக வழக்குப்பதிவு செய்த போலீசார் அவரை கைது செய்தனர்.

இந்நிலையில், தற்போது புதிய தகவல் ஒன்று வெளியாகியுள்ளது. இதில் ஒரு பிறந்தநாள் விழாவுக்கு சென்றபோது சித்ராவுக்கும், ஹேம்நாத்துக்கும் காதல் ஏற்பட்டு, நாளடைவில் பதிவு திருமணம் நடைபெற்றுள்ளது. சீரியலில் நடித்து வந்த சித்ரா நெருக்கமான காட்சிகளில் நடிக்க ஆரம்பித்த போதுதான் ஹேம்நாத்துக்கு அதிகமான சந்தேகம் ஏற்பட்டுள்ளது.

மேலும் அது போன்று நெருக்கமான காட்சிகளில் இனிமேல் நடிக்கக் கூடாது என்று சித்ராவிடம் ஹேம்நாத் கூறியுள்ளார். ஆனால் சித்ரா தொடர்ந்து அது போன்ற காட்சிகளில் நடிக்க வேண்டிய சூழல் ஏற்பட்டுள்ளது. இதனால் அடிக்கடி இருவருக்குமிடையே சண்டை வந்துள்ளது.

இதனிடையேதான் சித்ரா தற்கொலை செய்து கொண்டுள்ளார். தற்கொலை செய்து கொண்ட சித்ரா கணவர் ஹேம்நாத்தின் தந்தையிடம், ஹேம்நாத் தன்னை சந்தேகப்பட்டு கொடுமைப்படுத்தும் விஷயத்தை போனில் பேசி வந்துள்ளார். அந்த ஆடியோ பதிவு தற்போது அழிந்துள்ளதாகவும் அதனை சைபர் கிரைம் போலீசாருக்கு அனுப்பி வைத்த போதுதான் தகவல் வெளியானது என போலீசார் தெரிவித்துள்ளனர்.

செல்போன் ஆதார அடிப்படையிலேயே ஹேம்நாத் மீது தற்கொலைக்கு தூண்டியதாக வழக்குப்பதிவு செய்யப்பட்டுள்ளதாக போலீஸ் தரப்பில் கூறப்பட்டுள்ளது. ஹேம்நாத் இதற்கு முன்னர் ஒரு பெண்ணை காதலித்து இருவரும் சுமூகமாக பிரிந்து விட்டனர் எனவும் போலீஸ் தரப்பில் கூறப்படுகிறது.