தெலுங்கில் பிரபல நடிகருக்கு ஜோடியாகும் சாய் பல்லவி..!

தெலுங்கில் ரீமேக் ஆக உள்ள படத்தில் நடிகை சாய் பல்லவி நடிக்க இருப்பதாக தகவல் வெளிவந்துள்ளன.மலையாளத்தில் மிகப்பெரிய ஹிட்டை கொடுத்த படம் "அய்யப்பனும் கோஷியும்". இப்படத்தில் பிருத்விராஜ் மற்றும் பிஜு மேனன் என்ற இரு முன்னணி நடிகர்கள் இணைந்து நடித்து இந்த ஆண்டு முதலில் வெளியானது.

மலையாளத்தில் மிகப்பெரிய எழுத்தாளரான இயக்குனர் சாச்சி இயக்கிய முதல் திரைப்படம் அமேசான் ப்ரைமில் வெளியாகியது.

இப்படத்தின் கதை:

போலிஸ் அதிகாரி ஒருவருக்கும், ராணுவ வீரர் ஒருவருக்கும் இடையே ஏற்படும் மிகச்சிறிய மோதல் எந்த அளவுக்கு சென்று இருவரின் வாழ்க்கையிலும் தாக்கத்தை ஏற்படுத்தி அது எவ்வளவு பிரச்சினை ஆகிறது என்றும் அதனை எவ்வாறு கடந்து வருகிறார்கள் என்பதே கதை.

இந்த திரைப்படத்தின் வெற்றியை அடுத்து பல மொழிகளில் ரீமேக் செய்யப்படுகின்றன அந்த வகையில் தெலுங்கில் முன்னணி நடிகரான பவர் ஸ்டார்,பவன் கல்யாண் நடிக்க உள்ளதாக அறிவிப்பு இன்று வெளியாகியுள்ளது.

படத்தின் அய்யப்பன் கதாபாத்திரத்தில் பவன் கல்யாண் நடிக்கிறார். கோஷி கதாபாத்திரத்தில் நடிக்க விஜய் சேதுபதியிடம் பேச்சுவார்த்தை நடத்துவதாக தெரிகிறது. வரிசையாக பவன் கல்யாண் ரீமேக் படங்களில் நடிக்க ஒப்பந்தமாகி வருகிறார் என்பது குறிப்பிடத்தக்கது. இந்நிலையில் அந்த படத்தில் அவருக்கு ஜோடியாக சாய்பல்லவி நடிக்க உள்ளாராம்.