இயக்குனர் எஸ்.பி.ஜனநாதன் உடல்நலக்குறைவால் காலமானார்.!

இயற்கை படத்தின் மூலம் தமிழ் சினிமாவில் இயக்குனராக அறிமுகமானவர் எஸ்.பி.ஜனநாதன். அப்படத்திற்காக தேசிய விருதும் பெற்றுள்ளார். இதனையடுத்து அவர் இயக்கத்தில் பேராண்மை மற்றும் புறம்போக்கு உள்ளிட்ட படங்களை இயக்கி இருந்தார். அந்த படங்களும் ரசிகர்கள் மத்தியில் நல்ல வரவேற்பை பெற்றது.

இவர் கடைசியா விஜய் சேதுபதியை வைத்து இயக்கிய லாபம் என்ற திரைப்படம் திரைக்கு வருகிறது. இந்நிலையில், எஸ்.பி. ஜனநாதன் கடந்த சில நாட்களாக உடநலம் பாதிக்கப்பட்டு சென்னை அப்பல்லோ மருத்துவமனையில் அனுமதிக்கப்பட்டிருந்தார். அங்கு அவருக்கு தீவிர சிகிச்சை அளிக்கப்பட்டது.

இதன் பின்னர் ஐ.சி.யு வார்டில் அனுமதிக்கப்பட்டிருந்தார். இதன் பின்னர் அவருக்கு மூளையில் ரத்தக்கசிவு ஏற்பட்டு மூளைச்சாவு அடைந்து விட்டதாக மருத்துவர்கள் தெரிவித்த நிலையில், தற்போது இயக்குநர் எஸ்.பி.ஜனநாதன் உயிரிழந்து விட்டதாக கூறப்படுகிறது. இவரது மறைவுக்கு தமிழ் சினிமாத்துறை இரங்கலை தெரிவித்து வருகிறது.