இயக்குனர் எஸ்.பி.ஜனநாதன் இறுதி ஊர்வலம்: மலர்தூவிச் சென்ற நடிகர் விஜய் சேதுபதி.!

இயற்கை, ஈ, பேராண்மை உள்ளிட்ட படங்களை இயக்கியவர் எஸ்.பி.ஜனநாதன். இவர் கடைசியாக விஜய் சேதுபதியை வைத்து லாபம் என்ற படத்தை இயக்கியுள்ளார். இப்படத்தின் படப்பிடிப்புகள் இறுதிக்கட்டத்தை எட்டியுள்ளது.

இதனிடையே லாபம் படத்தின் எடிட்டிங் பணி நடைபெற்றபோது, வீட்டுக்கு சென்ற எஸ்.பி.ஜனநாதனுக்கு உடல் நலக்குறைவு ஏற்பட்டுள்ளது. இதனை தொடர்ந்து அவர் மருத்துவமனையில் அனுமதிக்கப்பட்டார். அவருக்கு தீவிர சிகிச்சை அளிக்கப்பட்டபோது, நேற்று சிகிச்சை பலனின்றி அவர் இறந்து போனார். அவரது மரணம் திரைத்துறையினரை அதிர்ச்சியடைய செய்துள்ளது.

இந்நிலையில், இயக்குனர் மறைவுக்கு திரைத்துறையை சேர்ந்த பலர் இரங்கல் தெரிவித்தனர். அதே போன்று நடிகர் விஜய்சேதுபதி கண்ணீர் மல்க அஞ்சலி செலுத்தினார்.

இறுதி ஊர்வலத்தில் கலந்துக் கொண்ட விஜய் சேதுபதி, கண்கலங்கிய படி மலர்தூவிக் கொண்டே சென்றார். இவரை போன்ற பல நடிகர்களும் பூக்களை தூவி சென்றனர்.