போலீசாரை மிதித்த ரசிகர்களுக்கு லத்தியடி - போர்க்களமாக நேரு ஸ்டேடியம் நுழைவு வாயில்

'வாரிசு' படத்தின் ஆடியோ வெளியீட்டு நிகழ்ச்சிக்கு திரண்ட ரசிகர்கள் போலீசாரை தள்ளிக் கொண்டு அரங்கத்தில் நுழைந்ததால் போலீஸார் காயம் அடைந்தனர்.

நேரு ஸ்டேடியத்தில் நடிகர் விஜய் நடித்த வாரிசு படத்தின் ஆடியோ வெளியிட்டு விழா நடந்தது சுமார் 5,000 ரசிகர்களுக்கு அழைப்பு அனுப்பப்பட்டிருந்ததால் தமிழ்நாடு முழுவதும் இருந்து ரசிகர்கள் காலையிலிருந்து நேரு ஸ்டேடியம் வாசலில் குவியத் தொடங்கினர். மாலை நேரம் பிரபலங்கள் ஒவ்வொருவராக அரங்கத்திற்கு வர ஆரம்பித்ததும் ரசிகர்கள் கூட்டம் அதிகமாகியது.

அனுமதி அட்டையை வைத்திருப்பவர்கள் மட்டுமில்லாமல் அனுமதிக்க இல்லாத ரசிகர்களும் உள்ளே நுழைவு வேண்டும் என்ற எண்ணத்தில் போலீசாரை முட்டி தள்ளினர். வெறிகொண்டு போலீசாரை ரசிகர்கள் தட்டி விட்டு அவர்களை ஏறி மிதித்து கொண்டு உள்ளே நுழைந்ததால் பரபரப்பு ஏற்பட்டது. இதில் வாசலை மறித்து நின்ற சில போலீசார் காயமடைந்தனர், உடனடியாக சுதாரித்துக் கொண்ட போலீசார் மெயின் கேட்டை இழுத்து மூடியதோடு சாலையில் நின்றவர்களை லத்தி கொண்டு அடித்து தள்ளினர். இந்த சம்பவத்தால் அந்த பகுதி மேலும் போர்க்களம் போல் காட்சியளித்தது.