ப்ளீஸ் அரசியலுக்கு வந்துடுங்க.. அறவழியில் போராடும் ரஜினி ரசிகர்கள்.!

நடிகர் ரஜினிகாந்த் கொரோனா தொற்று பரவல் காரணமாக தற்போது அரசியலில் ஈடுபடபோவதில்லை என்று அறிவிப்பு வெளியிட்டிருந்தார். இந்த அறிவிப்புக்கு பின்னர் ரசிகர்கள் பலர் ஏமாற்றம் அடைந்துள்ளனர். ரஜினி கட்சி ஆரம்பிப்பார், தமிழகத்தின் அடுத்த முதலமைச்சராக பொறுப்பேற்பார் என்றெல்லாம் கனவு கண்டிருந்தனர். ஆனால் அவர்களுக்கு தற்போது பெருத்த ஏமாற்றமே கண்டுள்ளனர்.

இந்நிலையில், ரஜினி மக்கள் மன்றத்தின் மாவட்ட செயலாளர்கள் பலரும் ரஜினியின் உடல்நிலையை கருத்தில் கொண்டுதான் இந்த முடிவை அறிவித்துள்ளார். அவரது முடிவுக்கு கட்டுப்படுவோம் என்று தெரிவித்து விட்டனர். ஆனால், மக்கள் மன்றத்தில் கீழ்மட்ட பொறுப்பில் இருப்பவர்களும் ரசிகர்களும் ரஜினிகாந்த் தனது முடிவை மாற்றிக்கொள்ள வேண்டும் என்று தொடர்ந்து வலியுறுத்தி வருகின்றனர்.

இதனை தொடர்ந்து ரஜினி ரசிகர்கள், தங்களது பலத்தை காட்டும் வகையில் ஓரிடத்தில் கூடி ரஜினியை அரசியலுக்கு இழுப்பதற்காக முடிவு செய்தனர்.
அதன் இன்று சென்னை வள்ளுவர் கோட்டம் அருகே ரசிகர்கள் ஒன்று திரண்டு ரஜினியை அரசியலுக்கு அழைப்பது என்று முடிவு செய்துள்ளனர். இந்த அறவழிப்போராட்டத்திற்கு மக்கள் மன்றம் மற்றும் மாநில தலைமை, மாவட்ட செயலாளர்கள் எதிர்ப்பு தெரிவித்துள்ளனர். இது தொடர்பாக வெளியிடப்பட்ட அறிக்கைகளில், ரஜினியை அரசியலுக்கு வர வலியுறுத்தி யாரும் போராட்டத்தில் ஈடுபடக்கூடாது என எச்சரித்திருந்தனர்.

ஆனால் ரஜினி ரசிகர்கள் அதனை ஏற்றுக்கொள்ளாமல் இன்று 10ம் தேதி நுங்கம்பாக்கத்தில் ஒன்றுகூடுவதற்கு முடிவு செய்தனர். இந்த அறவழி ஆர்ப்பாட்டத்திற்கு காவல்துறையும் அனுமதி அளித்துள்ளது குறிப்பிடத்தக்கது. இந்நிலையில், இன்று சென்னை வள்ளுவர் கோட்டத்தில் தமிழகம் முழுவதும் இருந்து ஏராளமான ரஜினி ரசிகர்கள் அறவழி போராட்டத்தில் ஈடுபட்டு வருகின்றனர். ரஜினி அரசியலுக்கு வரவேண்டும் என்று கோஷங்களை எழுப்பி வருகின்றனர்.

இந்த சம்பவம் வள்ளூவர் கோட்டம் மட்டுமின்றி சென்னை முழுவதும் உள்ள ரசிகர்களிடையே ஒருவிதமான எழுச்சியை உண்டு செய்வதாக அமைகிறது. ஒரு வேளை மீண்டும் ரஜினி தனது ரசிகர்களுக்காக களத்தில் இறங்குவாரா என்று பொறுத்திருந்துதான் பார்க்க வேண்டும்.