சித்தி 2 சீரியலில் நடிக்க ஒப்பந்தமாகும் பிரபல நடிகை வெளியான தகவல்!

தமிழ் சினிமாவில் பல படங்களில் நடித்து, தற்போது சன் டிவி தொலைக்காட்சியில் சித்தி 2 என்ற சீரியலில் நடித்து வந்தார் நடிகை ராதிகா. இவர் இந்த சீரியலில் இருந்து விலக இருப்பதாக தகவல் வெளியான நிலையில்,ராதிகா அவரது ட்விட்டர் பக்கத்தில் அதிகாரப்பூர்வமாக சீரியலில் இருந்து விலகுவதாக ஒரு பதிவை பதிவிட்டிருந்தார்.

அந்த பதிவில் சித்தி 2 என்ற மெகா சீரியல் இருந்து நான் வெளியேறும் முடிவை வருத்தத்துடன் எடுத்திருக்கிறேன் என்றும், இத்தனை ஆண்டுகளில் மிகச்சிறந்த உழைப்பை கொடுத்த சீரியல் இது என்பது எனக்கு பெருமையே என்றும், என்னுடன் பணிபுரிந்த அனைத்து தொழில்நுட்ப கலைஞர்களுக்கும் சக நடிகர் நடிகைகளுக்கும் குட் பை என்று சொல்லி அந்த சீரியல் இருந்து அவர் விலகினார்.

இவர் ஏன் சீரியலில் இருந்து விலகினார் என்று காரணம் தெரியாத நிலையில் நடிகை ராதிகா சட்டசபை தேர்தலில் ஒரு முக்கிய தொகுதியில் போட்டியிடப் போவதாகவும்,முழுநேர அரசியல்வாதியாக மாற சீரியலில் இருந்து விலகி இருப்பதாகவும் தகவல் வெளியானது.

சித்தி 2 சீரியல் இருந்து ராதிகா விலகிய நிலையில் ராதிகா கேரக்டரில் ரம்யாகிருஷ்ணன், மீனா, தேவயானி உள்பட ஒருசில நடிகைகள் பரிந்துரைக்கப்பட்டதாகவும்,ஆனால் தற்போது ராதிகாவின் சித்தி கேரக்டரில் சரத்குமாரின் மகள் வரலட்சுமி நடிக்க இருப்பதாக சமூக வலைதளங்களில் பரவி வருகிறது என்பது குறிப்பிடத்தக்கது.மேலும் இந்த கேரக்டரில் வரலட்சுமி நடிக்கிறாரா என்ற தகவலை பொறுத்திருந்துதான் பார்க்க வேண்டும்.