சந்தானத்தின் அடுத்த படம்: தந்தை - மகன் சென்டிமென்ட் படமா?

தமிழ் சினிமாவில் காமெடி நடிகராக அறிமுகமாகி, தற்போது கதாநாயகனாக வலம் வருகிறார். இன்னிலையில் சந்தானம் நடித்த 'பிஸ்கோத்' திரைப்படம் சமீபத்தில் வெளியானதை அடுத்து அவர் நடித்து முடித்துள்ள 'டிக்கிலோனா' திரைப்படம் விரைவில் வெளியாக உள்ளது.

மேலும் அவர் தற்போது 'பாரீஸ் ஜெயராஜ்' என்ற படத்தில் நடித்து வருகிறார் என்பதும் அந்த படத்தின் படப்பிடிப்பு விறுவிறுப்பாக நடைபெற்று வருகிறது.மேலும் ஒரு படத்தில் நடிக்க ஒப்பந்தமாகியுள்ளார். அறிமுக இயக்குனர் சீனிவாசன் என்பவர் இயக்க உள்ளார்.

இவர் ஏற்கனவே 'வல்லினம்' என்ற படத்தின் இயக்குனர் அறிவழகன் அவர்களிடம் உதவி இயக்குனராக பணிபுரிந்தவர் என்பது குறிப்பிடத்தக்கது. இப்படம் தந்தை-மகன் சென்டிமென்ட் சம்பந்தப்பட்ட படம் என்றும் தந்தையாக எம்.எஸ் பாஸ்கரும், மகனாக சந்தானமும் நடிக்கிறார்கள் என்றும் கூறும் இயக்குனர் சீனிவாசன் தெரிவித்துள்ளார்.

மேலும் முதல்முறையாக இந்த படத்தில் சந்தானம் காமெடியாக மட்டுமின்றி உணர்வுபூர்வமான காட்சிகளிலும் நடிக்க இருப்பதாகவும், இதுவரை அவர் ஏற்றிராத புதிய கேரக்டரில், இந்த படத்தில் அவரது நடிப்பு இருக்கும் என்றும், இந்த படம் இன்றைய அரசியலமைப்பை வெளிப்படுத்தும் வகையில் சுவராசியமான கதை என்றும் இயக்குனர் சீனிவாசன் கூறியுள்ளார்.

அறிமுக நடிகை ஒருவர் இந்த படத்தில் நாயகியாக சந்தானம் ஜோடியாக நடிக்க இருக்கிறார் என்பதும் இந்த படத்தின் படப்பிடிப்பு கும்பகோணம், ஸ்ரீரங்கம், திருச்சி, சென்னை உள்ளிட்ட இடங்களில் நடைபெறும் என்றும் இயக்குனர் சீனிவாசன் தெரிவித்துள்ளார்

முதல் முதலாக தந்தை-மகன் சென்டிமென்ட் படத்தில் சந்தானம் நடிக்க உள்ளது அவரது ரசிகர்களுக்கு ஒரு புதுமையான படமாக இருக்கும் என்று கமெண்ட் பதிவிட்டு வருகின்றனர்.