பீஸ்ட் படத்தை தடை செய்க: தமிழ்நாடு முஸ்லிம் லீக் விஜய்க்கு எச்சரிக்கை!

நடிகர் விஜய் நடிப்பில் வெளியாக இருக்கும் பீஸ்ட் படம் தமிழ் புத்தாண்டு அன்று திரைக்கு வர உள்ள நிலையில் அப்படத்தை உடனடியாக தடை செய்ய வேண்டும் என்று தமிழ்நாடு முஸ்லீம் லீக் கட்சி கோரிக்கை விடுத்துள்ளது.

இது தொடர்பாக தமிழ்நாடு முஸ்லீம் லீக் கட்சி வெளியிட்டுள்ள அறிக்கையில், நெல்சன் திலீப்குமார் இயக்கத்தில் நடிகர் விஜய் நடிப்பில் வெளியாக உள்ள பீஸ்ட் படத்தில் இஸ்லாமியர்களை தீவிரவாதிகளாக சித்தரித்து உள்ளனர். இதனால் குவைத்தில் இப்படத்திற்கு தடை விதிக்கப்பட்டுள்ளது.

தமிழ் திரைப்படங்களில் இஸ்லாமியர்களை தீவிரவாதிகளாக காண்பித்து வருகின்றனர். நாங்கள் பெரு வெள்ளம் ஏற்பட்டாலோ அல்லது இயற்கை பேரிடர் காலங்களில் பொதுமக்களுக்காக உயிரையும் விடுகிறோம். கொரோனா சமயங்களில் உறவினர்கள் கூட தொட மறுத்த சடலங்களை இஸ்லாமிய இயக்கங்கள் கொண்டு சென்று அடக்கம் செய்துள்ளது. எனவே இது போன்று தவறாக காண்பிக்கும் பீஸ்ட் படத்தை உடனடியாக தடை விதிக்க வேண்டும். இவ்வாறு அந்த அறிக்கையில் கூறப்பட்டுள்ளது.

Source: News 18 Tamilnadu

Image Courtesy: Times Of India