சிம்பு நடிக்கும் ஈஸ்வரன் படத்தின் டீசர் ரிலீஸாகும் நேரம் அறிவிப்பு.!

தமிழ் சினிமாவில் சிறுவயது முதலே பல படங்கள் நடித்து தற்போது முன்னணி நடிகராக வலம் வருபவர் நடிகர் சிம்பு.தற்போது சுசீந்திரன் இயக்கி வரும் ஈஸ்வரன் படத்தில் நடித்து வருகிறார். ஈஸ்வரன் படத்தின் ஃபர்ஸ்ட் லுக் போஸ்டர் மற்றும் மோஷன் போஸ்டர் சமீபத்தில் வெளியாகி நல்ல வரவேற்பை பெற்றது .இப்படத்திற்காக நடிகர் சிம்பு அவர் உடல்எடையை மிகவும் குறைத்து சாக்லேட் பாய் என்று மீண்டும் அழைக்கப்படுகிறார்.

இந்த படத்தில் சிம்புவுக்கு ஜோடியாக நிதி அகர்வால் நடித்து வருகிறார். தமன் இசையமைக்கிறார்.ஈஸ்வரன் படம் திண்டுக்கல்லை சுற்றியுள்ள கிராமப்புறங்களில் வேகமாக சூட்டிங் எடுக்கப்பட்டு வருகிறது. இப்படம் பொங்கலுக்கு ரிலீஸ் ஆகும் என்று எதிர்பார்க்கப்படுகிறது.மேலும் படத்தை பற்றி அப்டேட்கள் நாளுக்கு நாள் தகவல் வந்து கொண்டேதான் இருக்கின்றன.

அந்தவகையில் ஈஸ்வரன் படத்தின் டீசர் தீபாவளியன்று வெளியாகும் என்று நடிகர் சிம்பு ஏற்கனவே ட்விட்டர் பக்கத்தில் தெரிவித்து இருந்தார் என்பது அனைவருக்கும் தெரிந்ததே. இந்த நிலையில் சற்றுமுன் மீண்டும் டுவிட்டர் பக்கத்தில் ஈஸ்வரன் படத்தின் டீசர் நாளை அதிகாலை 4:32 வெளியாகும் என சிம்பு அறிவித்துள்ளார்.

4:32 என்பது பிரம்ம முகூர்த்தம் என்பதால் அந்த நேரத்தில் டீசர் வெளியிடவிருப்பதாக சிம்பு வெளியிட்டுள்ள போஸ்டர் ஒன்றில் குறிப்பிடப்பட்டுள்ளது. இதற்கு ரசிகர்கள் அனைவரும் அவர்களது வாழ்த்துக்களையும், மகிழ்ச்சியும் தெரிவித்து வருகின்றனர்.