சன் பிக்சர் அடுத்த படத்தில் விஜய் சேதுபதி - பிரபல இயக்குனருடன் பேச்சுவார்த்தை.!

தமிழில் "விஜய் சேதுபதி" சிறு, சிறு கதாபாத்திரங்களில் நடித்து தற்போது முன்னணி நடிகர்களில் ஒருவராக திகழ்பவர் விஜய் சேதுபதி.இவரின் நடிப்பு திறமையால் பல்வேறு மக்களின் மனதை வென்றவர். கிராமப்புற கதாபாத்திரங்களில் இவர் நடித்தால் சாதாரணமாக மக்கள் போல் படத்திலும் நடித்து மக்களின் மனதை வென்றவர்.

விஜய் சேதுபதி கதாநாயகனாக நடிப்பது மட்டுமல்லாமல் வில்லன், முக்கிய கதாபாத்திரம் ஆகியவற்றில் நடித்து வருகிறார்.அந்த வகையில் நடிகர் சிவகார்த்திகேயன் நடித்த ’வருத்தப்படாத வாலிபர் சங்கம்’ ’ரஜினிமுருகன்’ போன்ற படங்களை இயக்கியவர் இயக்குனர் பொன்ராம். இவர் தற்போது ’எம்ஜிஆர் மகன்’ என்ற திரைப்படத்தை இயக்கி முடித்துள்ளார். சசிகுமார் ஹீரோவாக நடித்துள்ள இந்த படம் விரைவில் திரையரங்குகளில் ரிலீசாக உள்ளது என்பது குறிப்பிடத்தக்கது.

இந்த நிலையில் பொன்ராம் இயக்கும் அடுத்த படத்தை சன் பிக்சர்ஸ் நிறுவனம் தயாரிக்க உள்ளதாகவும் இந்த படத்தில் மக்கள் செல்வன் விஜய் சேதுபதி நடிக்க உள்ளதாகவும் கூறப்படுகிறது. இது குறித்த ஆரம்ப கட்ட பேச்சுவார்த்தை நடைபெற்று முடிந்து விட்டதாகவும் விரைவில் இந்த படம் குறித்த அறிவிப்பு வெளிவரும் என்றும் கூறப்படுகிறது.

ஏற்கனவே சூப்பர் ஸ்டார் ரஜினிகாந்த் நடித்து வரும் "அண்ணத்த" படத்தை தயாரித்து வரும் சன் பிக்சர்ஸ் நிறுவனம், தளபதி விஜய் நடிக்க உள்ள "தளபதி 65" திரைப்படத்தையும், சூர்யா-பாண்டிராஜ் இணையும் திரைப்படத்தையும், தனுஷ் நடிக்கும் ஒரு திரைப்படத்தையும் தயாரிக்கவுள்ளது. அந்த வகையில் தற்போது விஜய் சேதுபதி படத்தையும் சன் பிக்சர்ஸ் நிறுவனம் தயாரிக்குமா என்பதை பொறுத்திருந்து பார்ப்போம்.