தமிழ் தொலைக்காட்சிகளில் தீபாவளிக்கு ஒளிபரப்பான திரைப்படங்களில் விஜயின் பீஸ்ட் திரைப்படம் டி.ஆர்.பி'யில் முதலிடம்

தொலைக்காட்சிகளில் பண்டிகை நாளை முன்னிட்டு பிரபல திரைப்படங்களை ஒளிபரப்புவது வழக்கம்.

குறிப்பாக பண்டிகை நாளில் புதிய திரைப்படங்கள் வெளியாவதற்கு இருக்கும் வரவேற்பை போல, எந்த தொலைக்காட்சியில் என்ன திரைப்படம் ஒளிபரப்பாக உள்ளது என்பதை தெரிந்து கொள்ளவும் ரசிகர்கள் ஆர்வம் காட்டுகின்றனர். அந்த வகையில் இந்த ஆண்டு தீபாவளி பண்டிகைக்கு விஜயின் பீஸ்ட் ல், அஜித்தின் விசுவாசம், ரஜினிகாந்தின் அருணாச்சலம், சிவகார்த்திகேயன் நடித்த டான் மற்றும் டாக்டர், கமல்ஹாசனின் விக்ரம் உள்ளிட்ட படங்கள் ஒளிபரப்பாகின.

அந்த படங்களில் முதல்முறையாக தொலைக்காட்சியில் ஒளிபரப்பபட்ட விஜயின் பீஸ்ட் திரைப்படம் டி.ஆர்.பியில் 12.62 புள்ளிகள் பெற்று முதலிடம் பிடித்துள்ளது. அதைத்தொடர்ந்து ஏற்கனவே சில முறை தொலைக்காட்சியில் ஒளிபரப்பான அஜித்தின் விசுவாசம் திரைப்படம் 10.27 புள்ளிகளுடன் இரண்டாவது இடத்தையும், ரஜினிகாந்த் நடிப்பில் பல ஆண்டுகளுக்கு முன்பு வெளியான ஏராளமான முறை ஒளிபரப்பபட்ட அருணாச்சலம் திரைப்படம் 9.21 புள்ளிகளுடன் மூன்றாவது இடத்தை பிடித்துள்ளன.

இதற்கு அடுத்த இடத்தில் சிவகார்த்திகேயன் டாக்டர் 6.97 புள்ளிகளும் கமல்ஹாசனின் விக்ரம் 4.42 புள்ளிகளும் பெற்றுள்ளன. அதேபோல் ஆறாவது இடத்தில் சிவகார்த்திகேயனை மற்றொரு படமான டான் 3.63 புள்ளிகள் பெற்று 6வது இடம் பிடித்துள்ளது.