தாதாசாகேப் பால்கே விருதை பெறும் தென்னிந்திய நடிகர்கள் யார் யார்.?

அஜித், தனுஷ், ஜோதிகா ஆகியோர் 2020ம் ஆண்டுக்கான தாதாசாகேப் பால்கே தென்னிந்திய சினிமா விருதுக்கு தேர்வாகியுள்ளனர். தமிழ், மலையாளம், தெலுங்கு மற்றும் கன்னட திரையுலகை சேர்ந்த திறமையான கலைஞர்களை கவுரவிக்கும் வகையில் தாதாசாகேப் பால்கே தென்னிந்திய சினிமா விருதுகள் வழங்கப்படுகின்றது.

அந்த வகையில், 2020ம் ஆண்டுக்கான தாதாசாகேப் பால்கே தென்னிந்திய சினிமா விருதுகள் அறிவிக்கப்பட்டுள்ளன. இதில், தமிழ் சினிமா பிரிவில் சிறந்த படத்துக்கான விருது டூ லெட் படத்திற்கு வழங்கப்படுவதாக அறிவிக்கப்பட்டுள்ளது.

சிறந்த நடிகருக்கான விருது தனுஷ்-க்கு வழங்கப்படுகிறது. அசுரன் படத்தில் சிறப்பான நடிப்பை வெளிப்படுத்தியதற்காக தனுஷ் இந்த விருதுக்கு தேர்வு செய்யப்பட்டுள்ளார்.

இதேபோல் பன்முகத்தன்மை வாய்ந்த நடிப்பாற்றலுக்காக அஜித்குமாருக்கு சிறப்பு விருது வழங்கப்படுகிறது. நடிகர்கள் -அஜித்குமார்,- தனுஷ் (அசுரன்) சிறந்த நடிகை - ஜோதிகா (ராட்சசி) சிறந்த இயக்குனர் - ஆர்.பார்த்திபன் (ஒத்தசெருப்பு சைஸ் 7) சிறந்த படம் - டூ லெட், சிறந்த இசையமைப்பாளர் - அனிருத் ஆகியோர்களுக்கு வழங்கப்படுகிறது.

அதே போன்று மலையாளம், தெலுங்கு உள்ளிட்ட சினிமா பிரபலங்கள் பலர் இந்த விருதை பெறுகின்றனர் என்பது குறிப்பிடத்தக்கது.