Kathir News
Begin typing your search above and press return to search.

FactCheck: ரஜினிகாந்த் பெயரில் கல்லூரி- வைரல் புகைப்படம் உண்மையா?

ரஜினிகாந்த் பெயரில் கல்லூரி

FactCheck: ரஜினிகாந்த் பெயரில் கல்லூரி- வைரல் புகைப்படம் உண்மையா?

Saffron MomBy : Saffron Mom

  |  5 Aug 2021 5:30 AM GMT

ஒரு கல்லூரி நுழைவு வாயிலில் உள்ள கேட்டில் 'ரஜினிகாந்த் மெடிக்கல் காலேஜ் ஆஃப் இன்ஜினீயரிங் காமர்ஸ் & ஆர்ட்ஸ்' என்று பெயர்ப் பலகை இருப்பது போன்ற புகைப்படம் சமூக ஊடகங்களில் வைரலாகி வருகிறது. பலரும் 'புதிய கல்விக் கொள்கையை' கேலி செய்வதற்காக இந்தக் கல்லூரியின் படத்தை பகிர்ந்து வருகின்றனர். ஜோகிந்தர் ரங்கா என்பவர் இந்தப் படத்தை பேஸ்புக்கில் பகிர்ந்து, ​​"இது இந்தியாவின் புதிய கல்விக் கொள்கை. இந்தக் கல்லூரியில் உண்மையில் என்ன கற்பிக்கப்படுகிறது என்று யாராவது சொல்ல முடியுமா?" என்று கமென்ட் போட்டுள்ளார். இந்த படம் ஃபேஸ்புக் மற்றும் ட்விட்டரில் அதிகம் பகிரப்படுகிறது.





ஆனால் இந்த வைரல் புகைப்படம் போலியானது. நுழைவு வாயிலில் "ரஜினிகாந்த் வணிக மற்றும் பொறியியல் மருத்துவக் கல்லூரி என்று பெயர் எழுதப்பட்டிருக்கிறது. பொதுவாக, கல்லூரிகளின் பெயர்கள் இப்படி இருக்காது. "வணிகம் மற்றும் கலைக்கான பொறியியல் மருத்துவக் கல்லூரி" எனபது ஒரு வினோதமான பெயர்.



மார்ச் 22 அன்று இந்தியன் எக்ஸ்பிரஸால் வெளியிடப்பட்ட கட்டுரையில் இந்தப்படத்தை ஒத்துள்ள புகைப்படம் ஒன்று வெளியாகியுள்ளது. புகைப்படத்தில் காணப்படும் கட்டிடம் சேவியர் இன்ஸ்டிடியூட் ஆப் மேனேஜ்மென்ட் (XIMB), புவனேஸ்வர், ஒடிசாவில் அமைந்துள்ளது. விக்கிமீடியா காமன்ஸ் தளத்தில் இந்த புகைப்படம் 16 பிப்ரவரி 2012 அன்று பதிவேற்றப்பட்டது.

வைரல் புகைப்படத்தை அசல் புகைப்படத்துடன் ஒப்பிடுகையில், பல விஷயங்கள் ஒத்துப் போகின்றன. வைரல் புகைப்படத்தில் உள்ளதைப் போலவே, அதே நபர்கள் அசல் புகைப்படத்தில் காணப்படுகின்றனர். 23 மார்ச் 2021 இல் india.com என்ற செய்தி இணையதளத்தில் வெளியிடப்பட்ட ஒரு அறிக்கையிலும் இதே போன்ற படம் உள்ளது.




படத்தை கவனித்தபோது, ​​இணையதளத்தில் உள்ள படம் கிட்டத்தட்ட வைரல் படத்திற்கு இணையாக உள்ளது. இரண்டு படங்களுக்கும் உள்ள ஒரே வித்தியாசம் பெயர். படத்தில் காணப்பட்ட கேட் சேவியர் இன்ஸ்டிடியூட் ஆப் மேனேஜ்மென்ட் புவனேஸ்வர் என்பது தெளிவாகத் தெரிகிறது. வைரல் படத்தில் கல்லூரியின் பெயர் போட்டோஷாப் செய்யப்பட்டுள்ளது. எனவே, வைரல் புகைப்படம் போலியானது.


Next Story