Kathir News
Begin typing your search above and press return to search.

செலவை தமிழக அரசு ஏற்பதாக அறிவிப்பு வருவதற்குள்ளேயே,. பைசா செலவில்லாமல் உக்ரைனில் சிக்கிய மக்களை மீட்ட மத்திய அரசு!

India begins evacuation of stranded citizens amid Russia-Ukraine war

செலவை தமிழக அரசு ஏற்பதாக அறிவிப்பு வருவதற்குள்ளேயே,. பைசா செலவில்லாமல் உக்ரைனில் சிக்கிய மக்களை மீட்ட மத்திய அரசு!

Kathir WebdeskBy : Kathir Webdesk

  |  2022-02-27T09:37:08+05:30

உக்ரைன்-ரஷ்யா இடையே நடந்து வரும் போரில் சிக்கித் தவிக்கும் குடிமக்களை மீட்கும் பணியை இந்தியா சனிக்கிழமை தொடங்கியது. ஏர் இந்தியா ருமேனிய தலைநகர் புக்கரெஸ்டுக்கு இரண்டு விமானங்களையும், ஹங்கேரிய தலைநகர் புடாபெஸ்டுக்கு ஒரு விமானத்தையும் இயக்கியது.

ஒரு விமானம் AI1944 சனிக்கிழமை மாலை புக்கரெஸ்டில் இருந்து 219 இந்தியர்களுடன் மும்பை விமான நிலையத்திற்குத் திரும்பியது. மற்ற இரண்டு விமானங்கள் - புக்கரெஸ்டிலிருந்து AI1942 மற்றும் புடாபெஸ்டில் இருந்து AI1940 - ஞாயிற்றுக்கிழமை காலை மீட்கப்பட்ட இந்திய பயணிகளுடன் டெல்லிக்கு வரவுள்ளதாக அதிகாரிகள் தெரிவித்தனர்.

உக்ரைன்-ருமேனியா எல்லை மற்றும் உக்ரைன்-ஹங்கேரி எல்லையை அடைந்த இந்திய நாட்டவர்கள்புக்கரெஸ்ட் மற்றும் புடாபெஸ்டுக்கு சாலை வழியாக இந்திய அரசு அதிகாரிகளால் அழைத்துச் செல்லப்பட்டுள்ளனர். பின்னர் விமானத்தில் மீட்கப்பட்டனர். மீட்கப்பட்ட பயணிகளிடமிருந்து அரசாங்கம் கட்டணம் வசூலிக்கவில்லை என்று அதிகாரிகள் தெரிவித்தனர்.

மூன்று விமானங்களும் இந்தியாவில் இருந்து சனிக்கிழமை மட்டுமே அனுப்பப்பட்டதாக அவர்கள் தெரிவித்தனர். AI1944 விமானம் 219 பயணிகளுடன் சனிக்கிழமை இரவு 7.50 மணிக்கு மும்பை வந்தடைந்ததாக ஏர் இந்தியா தெரிவித்துள்ளது.

ரஷ்ய இராணுவத் தாக்குதல் தொடங்கிய பிப்ரவரி 24 காலை முதல் சிவில் விமான நடவடிக்கைகளுக்காக உக்ரேனிய வான்வெளி மூடப்பட்டது. எனவே, புக்கரெஸ்ட் மற்றும் புடாபெஸ்டில் இருந்து இந்திய வெளியேற்ற விமானங்கள் இயக்கப்படுகின்றன.சுமார் 16,000 இந்தியர்கள், முக்கியமாக மாணவர்கள், உக்ரைனில் சிக்கித் தவித்ததாக, வெளியுறவுச் செயலர் ஹர்ஷ் வர்தன் ஷ்ரிங்லா பிப்ரவரி 24 அன்று தெரிவித்திருந்தார்.

அவசர கால மீட்பு பணிகள் அனைத்தையும் மத்திய அரசே மேற்கொள்ளும். உக்ரைனில் இருந்து தமிழகம் திரும்பும் பயணிகளுக்கான செலவை தமிழக அரசே ஏற்கும் என முதல்வர் ஸ்டாலின் கூறியிருந்தார். ஆனால் போர் மூண்டு, அவசர கால மீட்பு நடவடிக்கை முழுவதும், மத்திய அரசு தான் மேற்கொள்ளும். தமிழக அரசு மத்திய அரசிடம் மீட்க சொல்லி பரிந்துரை வைக்கலாமே தவிர, மொத்த அதிகாரமும் மத்திய அரசிடமே உள்ளது.

Next Story